ឯកឧត្តម សេង ឈួន រដ្ឋលេខាធិការ និងជាប្រធានគណៈកម្មាធិការសម្របសម្រួលអចិន្ត្រៃយ៍ ចុះប្រគល់រថយន្តដល់កាលកំណត់ឃាត់រក្សាទុក ១ឆ្នាំ ចំនួន ០៤គ្រឿង នៅទីតាំងស្ថានីយជញ្ជីងអចល័តព្រែកឯង រាជធានីភ្នំពេញ រាជធានីភ្នំពេញ ៖ នៅថ្ងៃទី១២ ខែធ្នូ ឆ្នាំ២០២៤ ឯកឧត្តម សេង ឈួន រដ្ឋលេខាធិការ និងជាប្រធានគណៈកម្មាធិការសម្របសម្រួលអចិន្ត្រៃយ៍ និងជាប្រធានក្រុមការងារត្រួតពិនិត្យចល័តចម្រុះ បានដឹកនាំគណៈប្រតិភូក្រសួង ចុះទៅប្រគល់រថយន្តដែលបានដឹកលើសទម្ងន់ចំនួន ២០% នៃច្បាប់អនុញ្ញាត និងបានឃាត់ទុករយៈពេល ១ឆ្នាំ កាលពីថ្ងៃទី១២ ខែធ្នូ ឆ្នាំ២០២៣ ចំនួន ០៤គ្រឿង នៅទីតាំងស្ថានីយជញ្ជីងអចល័តព្រែកឯង រាជធានីភ្នំពេញ។ ឆ្លៀតក្នុងឱកាសនេះ ឯកឧត្តមប្រធាន ក៏បានស្នើសុំដល់ម្ចាស់រថយន្តទាំង ០៤គ្រឿង ខាងលើ ពេលដែលទទួលយករថយន្តទៅប្រើប្រាស់វិញ សូមកុំដឹកលើសទម្ងន់កម្រិតកំណត់នៃច្បាប់ ដើម្បីចៀសវាងការពិន័យ និងឃាត់ទុករថយន្តម្តងទៀត ដែលនាំឱ្យខាតបង់ទាំងពេលវេលា និងថវិកា ព្រមទាំងជួយផ្សព្វផ្សាយទៅដល់បងប្អូនដែលប្រកបរបស់ដឹកជញ្ជូនទំនិញទាំងអស់ ឱ្យចូលរួមគោរពអនុវត្តតាមច្បាប់ឱ្យបានត្រឹមត្រូវ ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube