ពិធីមិទ្ទិញអបអរសាទរខួបអនុស្សាវរីយ៍លើកទី៤៦ ទិវាកំណើតរណសិរ្សសាមគ្គី អភិវឌ្ឍន៍មាតុភូមិកម្ពុជា (២ ធ្នូ ១៩៧៨ - ២ ធ្នូ ២០២៤) នៅមូលដ្ឋានស្រុកស្អាង ខេត្តកណ្តាល ស្អាង៖ នាថ្ងៃទី៦ ខែធ្នូ ឆ្នាំ២០២៤ ឯកឧត្តម សួន រចនា អនុប្រធានក្រុមការងាររាជរដ្ឋាភិបាលចុះមូលដ្ឋានស្រុកស្អាង តំណាងដ៏ខ្ពង់ខ្ពស់ ឯកឧត្តម ប៉េង ពោធិ៍នា ប្រធានក្រុមការងាររាជរដ្ឋាភិបាលចុះមូលដ្ឋានស្រុកស្អាង និងស្រុកកោះធំ បានអញ្ជើញជាអធិបតីភាព ក្នុងពិធីមិទ្ទិញអបអរសាទរខួបអនុស្សាវរីយ៍លើកទី៤៦ ទិវាកំណើតរណសិរ្សសាមគ្គី អភិវឌ្ឍន៍មាតុភូមិកម្ពុជា (២ ធ្នូ ១៩៧៨ - ២ ធ្នូ ២០២៤) ដែលបានរៀបចំឡើងនៅស្រុកស្អាង ខេត្តកណ្តាល។ នៅក្នុងអង្គមិទ្ទិញនាពេលនោះ មានការអញ្ជើញចូលរួមពី ឯកឧត្តម អនុប្រធានក្រុមការងាររាជរដ្ឋាភិបាលចុះមូលដ្ឋានស្រុកស្អាង ជាច្រើនរូប គណៈអភិបាលស្រុក ក្រុមប្រឹក្សាស្រុក សមាជិកសមាជិកាក្នុងភូមិ ឃុំ នៃស្រុកទាំងមូល អាជ្ញាធរសមត្ថកិច្ចមូលដ្ឋាន សិស្សានុសិស្ស បងប្អូនប្រជាពលរដ្ឋ សរុបអ្នកចូលរួមទាំងអស់ប្រមាណ ៣៨៤ រូប។ ថ្លែងក្នុងឱកាសនោះ ឯកឧត្តមគណអធិបតី បានអានសុន្ទរកថា សម្ដេចកិត្តិសង្គហបណ្ឌិត ម៉ែន សំអន ប្រធានក្រុមប្រឹក្សាជាតិរណសិរ្សសាមគ្គី អភិវឌ្ឍន៍មាតុភូមិកម្ពុជា និងជាឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ដែលបានថ្លែងក្នុងពិធីមិទ្ទិញ កាលពីថ្ងៃទី ២ ធ្នូ ២០២៤ កន្លងមក៕