ជំនួបសម្តែងការគួរសម និងពិភាក្សាការងារជាមួយគណៈប្រតិភូក្រុមហ៊ុន វីវ៉ាតយូធីន ខនស្រ្តាក់សិន ឯ.ក (Wiwatoyothin Constructiion CO,.Ltd) ទីស្ដីការក្រសួង៖ នាថ្ងៃអង្គារ ទី៣ ខែធ្នូ ឆ្នាំ២០២៤ ឯកឧត្តម ហេង ណន រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញទទួលជួបជំនួបសម្តែងការគួរសម និងពិភាក្សាការងារជាមួយគណៈប្រតិភូក្រុមហ៊ុន វីវ៉ាតយូធីន ខនស្រ្តាក់សិន ឯ.ក (Wiwatoyothin Constructiion CO,.Ltd) ដឹកនាំដោយលោក CHAISIT SHINAWATRA ដោយមានការអញ្ជើញចូលរួមពីថ្នាក់ដឹកនាំក្រសួង និងអគ្គនាយដ្ឋានជំនាញផងដែរ។ ជំនួបពិភាក្សានេះ ធ្វើឡើងក្នុងគោលបំណងដើម្បីស្វែងយល់ពីសក្កានុពលវិនិយោគលើវិស័យដឹកជញ្ជូន និងឡូជីស្ទីកនៅកម្ពុជា។ ឯកឧត្តមរដ្ឋលេខាធិការ បានលើកអំពីគម្រោងដែលក្រសួងសាធារណការ និងដឹកជញ្ជូន បាននិងកំពុងអនុវត្ត ដែលពាក់ព័ន្ធរួមមាន៖ កំពង់ផែ ព្រែកជីក ការអភិវឌ្ឍមជ្ឈមណ្ឌលភស្តុភារកម្មភ្នំពេញ ក្រុងព្រះសីហនុ ក្រុងបាវិត ក្រុងប៉ោយប៉ែត ជាដើម។ បន្ថែមពីនេះ ឯកឧត្តម ក៏បានផ្តល់ជូនសៀវភៅផែនការមេគ្រប់ជ្រុងជ្រោយស្តីពីប្រព័ន្ធដឹកជញ្ជូនអន្តរមធ្យោបាយ និងភស្តុភារកម្មកម្ពុជា ២០២៣-២០៣៣ ដែលរួមមានគម្រោងទាំងផ្នែករឹង និងទន់ ដោយផែនការមេនេះមានសរុបចំនួន ១៧៤គម្រោង និងទុនវិនិយោគប្រមាណ ៣៦,៦ ពាន់លានដុល្លារ ដល់ក្រុមហ៊ុនដើម្បីសិក្សាលម្អិតលើគម្រោងដែលមានសក្តានុពលនៅកម្ពុជា៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube