ជំនួបសម្តែងការគួរសម និងពិភាក្សាការងារជាមួយសមាគមភស្តុភារកម្មកម្ពុជា និងសមាគមសហព័ន្ធបញ្ជូនទំនិញអន្តរជាតិ (International Federation of Freight Forwarders Associations) ទីស្ដីការក្រសួង៖ នាថ្ងៃសុក្រ ទី៨ ខែវិច្ឆិកា ឆ្នាំ២០២៤ ឯកឧត្តម ហេង ណន រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញទទួលជួបសម្តែងការគួរសម និងពិភាក្សាការងារជាមួយសមាគមភស្តុភារកម្មកម្ពុជា និងសមាគមសហព័ន្ធបញ្ជូនទំនិញអន្តរជាតិ (International Federation of Freight Forwarders Associations) ដោយមានការអញ្ជើញចូលរួមពីលោកជំទាវជាថ្នាក់ដឹកនាំ និងមន្ត្រីជំនាញមកពីអគ្គនាយដ្ឋានភស្តុភាកម្មផងដែរ។ ជំនួបពិភាក្សានេះ ធ្វើឡើងក្នុងគោលបំណងដើម្បីស្វែងយល់ពីសក្កានុពលវិនិយោគលើវិស័យដឹកជញ្ជូន និងឡូជីស្ទីកនៅកម្ពុជា។ ឯកឧត្តមរដ្ឋលេខាធិការ បានលើកឡើងពីតួនាទី និងសមិទ្ធផលដែលក្រសួងសម្រេចបាន នាពេលកន្លងមក ជាមួយទិសដៅអនុវត្តបន្ត ជាពិសេសវឌ្ឍនភាពនៃផែនការមេគ្រប់ជ្រុងជ្រោយ ស្តីពីប្រព័ន្ធដឹកជញ្ជូនអន្តរមធ្យោបាយ និងភស្ដុភារកម្មកម្ពុជា ២០២៣-២០៣៣ ដែលរួមមានគម្រោងទាំងផ្នែករឹង និងទន់ សរុបចំនួន ១៧៤គម្រោង និងទុនវិនិយោគប្រមាណ ៣៦,៦ពាន់លានដុល្លារ។ ផែនការមេគ្រប់ជ្រុងជ្រោយនេះ នឹងធ្វើឱ្យវិស័យដឹកជញ្ជូន និងឡូជីស្ទីកនៅកម្ពុជាមានភាពកាន់តែប្រសើរឡើង និងគាំទ្រដល់រាជរដ្ឋាភិបាលក្នុងការសម្រេចចក្ខុវិស័យជាប្រទេសមានចំណូលកម្រិតខ្ពស់នៅឆ្នាំ២០៥០៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube