កិច្ចប្រជុំត្រៀមរៀបចំ ពិធីដង្ហែអង្គកឋិនទានមហាសាមគ្គីគ្រួសារខ្មែរ ទៅកាន់វត្តពោធិគីរីវង្សារាម ហៅវត្តស្វាយសៀមថ្មី នៅខ្មែរក្រោម ទីស្តីការក្រសួង៖ ថ្ងៃសុក្រ ទី២៥ ខែតុលា ឆ្នាំ២០២៤ ឯកឧត្តម ស៊ុយ សាន រដ្ឋលេខាធិការក្រសួងសាធារណការ និងដឹកជញ្ជូន បានដឹកនាំកិច្ចប្រជុំត្រៀម កម្មវិធីដង្ហែរអង្គកឋិនទានមហាសាមគ្គីគ្រួសារខ្មែរ ទៅកាន់វត្តពោធិគិរីវង្សារាម ហៅវត្តស្វាយសៀមថ្មីនៅខ្មែរក្រោម ស្ថិតនៅភូមិស្វាយសៀម ឃុំងាយស្វាង ស្រុកថ្កូវ ខេត្តត្រាវិញ (ព្រះត្រពាំង) សាធារណរដ្ឋសង្គមនិយមវៀតណាម។ កិច្ចប្រជុំនេះ មានការចូលរួមពីថ្នាក់ដឹកនាំ ឯកឧត្តមអនុរដ្ឋលេខាធិការ ឯកឧត្តអគ្គនាយក លោក-លោកស្រី នៃអង្គភាពពាក់ព័ន្ធក្រោមឱវាទក្រសួងចូលរួមផងដែរ។ កិច្ចប្រជុំធ្វើឡើងក្នុងគោលបំណង ដើម្បីពិភាក្សាលើកិច្ចការដែលគណៈកម្មការគ្រប់គ្រងកម្មវិធីបុណ្យបានចាត់តាំង និងត្រូវធ្វើយ៉ាងណាឱ្យមានភាពរលូន ជូនថ្នាក់ដឹកនាំ និងអ្នកចូលរួមពីធី៕