ឈ្វេងយល់ពីរយៈពេល នៃដំណើការផ្ទេរកម្មសិទ្ធិយានយន្ត ចំណាយពេលត្រឹមតែ ៣០នាទី ឬត្រឹម ១ម៉ោងប៉ុណ្ណោះ នឹងរួចរាល់ នៅពេលម្ចាស់រថយន្តគ្រប់ប្រភេទ បានអនុវត្តគ្រប់លក្ខខណ្ឌត្រឹមត្រូវតាមនីតិវិធី ឈ្វេងយល់ពីនីតិវិធី នៃការស្នើសុំផ្ទេរកម្មសិទ្ធិរថយន្ត តម្រូវបង់ថ្លៃសេវាដូចខាងក្រោម៖ - រថយន្តធុនតូច ឬធុនស្រាល ក្នុងរាជធានីខេត្ត ៤៨.០០០ រៀល - រថយន្តធុនតូច ឬធុនស្រាល ឆ្លងរាជធានីខេត្ត ១០១.០០០ រៀល - រថយន្តធុនធំ ឬធុនធ្ងន់ ក្នុងរាជធានីខេត្ត ៦៧.០០០ រៀល - រថយន្តធុនធំ ឬធុនធ្ងន់ ឆ្លងរាជធានីខេត្ត ១២៥.០០០ រៀល * តម្លៃសេវានេះ គឺមិនទាន់រាប់បញ្ចូលតម្លៃពន្ធប្រថាប់ត្រា + ឯកសារតម្រូវ ចំពោះរថយន្ត រកម្ចាស់ដើមមិនឃើញ ៖ - ពាក្យសុំផ្ទេរកម្មសិទ្ធយានជំនិះមានផ្តិតស្នាមមេដៃអ្នកស្នើសុំនិងមានបិតសំណៅលេខកាល់(តួឬសាក់ស៊ី)ដែលបានចម្លងជាក់ស្តែងពីយានយន្ត - បណ្ណសម្គាល់យានយន្ត(ច្បាប់ដើម) និងផ្លាកលេខសម្គាល់យានជំនិះ(ករណីផ្ទេរកម្មសិទ្ធិឆ្លងរាជធានី-ខេត្ត) - វិញ្ញាបនបត្រត្រួតពិនិត្យលក្ខណៈបច្ចេកទេសយានជំនិះ - អត្តសញ្ញាណបណ្ណអ្នកលក់ និងអ្នកទិញ (លិខិតឆ្លងដែន និងលិខិតបញ្ជាក់ទីលំនៅបច្ចុប្បន្នចេញដោយអាជ្ញាធរមានសមត្ថកិច្ច ករណីជនបរទេស) - លិខិតស្នើសុំពីអង្គភាព ឬស្ថាប័នសាមី (ចំពោះផ្លាកលេខអង្គភាព) - បង្កាន់ដៃពន្ធប្រថាប់ត្រាលើការផ្ទេរកម្មសិទ្ធយានយន្ត - លិខិតទិញ-លក់ - កិច្ចសន្យាធានាដែលមានបញ្ជាក់ពីសមត្ថកិច្ច ប៉ុស្តិ៍នគរបាលរដ្ឋបាល។ + ទីតាំង៖ - ការផ្ទេរកម្មសិទ្ធិអាចធ្វើបាននៅ មន្ទីរសាធារណការ និងដឹកជញ្ជូនរាជធានី-ខេត្ត (តាមអាសយដ្ឋានរបស់ម្ចាស់ចុងក្រោយ) - មណ្ឌលផ្តល់សេវាសាធារណៈរបស់ក្រសួង មាននៅ ផ្សាទំនើបអ៊ីអន ទី១, ២, ៣ , មណ្ឌលផ្តល់សេវាសាធារណៈ នៅទីស្តីការក្រសួង, មណ្ឌលផ្តល់សេវាសាធារណៈរបស់ក្រសួង នៅផ្សាទំនើបហ្វូរ៊ី ក្រុងព្រះសីហនុ ខេត្តព្រះសីហនុ - មណ្ឌលផ្តល់សេវាសាធារណៈរបស់ក្រសួងនៅផ្សាទំនើប ហ័ររឺធេចវ៉ក់ ក្រុងសៀមរាប ខេត្តសៀមរាប - ស្នើផ្ទេរកម្មសិទ្ធិយានយន្តតាមអនឡាញ ៖ http://vehicle.mpwt.gov.kh/#/vehicle-list/transfer-ownership * ទាក់ទងលេខប្រឹក្សាយោបល់ លើសេវាសាធារណៈ 1275 ឥតគិតថ្លៃ រៀងរាល់ម៉ោងធ្វើការ ដើម្បីទទួលបានព័ត៌មានលម្អិត * ខ្លឹមសារលម្អិតពីនីតិវិធីការផ្ទេរកម្មសិទ្ធិយានយន្ត ចុចតំណភ្ជាប់ខាងក្រោម៖ - (តម្លៃសេវា និងទីកន្លែងផ្តល់សេវា) https://www.facebook.com/watch/?v=577886854803483 - (ឯកសារតម្រូវ) https://www.facebook.com/watch/?v=897886875326780