កិច្ចប្រជុំពិនិត្យការសិក្សា និងការរកឃើញរបស់វេទិកាដឹកជញ្ជូនអន្តរជាតិ ITF (International Transport Forum) នៃគម្រោងកម្មវិធីនិរន្តរភាពហេដ្ឋារចនាសម្ព័ន្ធនៅតំបន់អាស៊ី SIPA (Sustainable Infrastructure Programme in Asia) ទីស្ដីការក្រសួង៖នាព្រឹកថ្ងៃអង្គារ ទី២៧ ខែសីហា ឆ្នាំ២០២៤ ឯកឧត្ដម ឈៀង ពេជ្រ អគ្គនាយក នៃអគ្គនាយកដ្ឋានភស្តុភារកម្ម បានអញ្ជើញដឹកនាំកិច្ចប្រជុំពិនិត្យការសិក្សា និងការរកឃើញរបស់វេទិកាដឹកជញ្ជូនអន្តរជាតិ ITF (International Transport Forum) នៃគម្រោងកម្មវិធីនិរន្តរភាពហេដ្ឋារចនាសម្ព័ន្ធនៅតំបន់អាស៊ី SIPA (Sustainable Infrastructure Programme in Asia) ដោយមានការចូលរួមពីតំណាងក្រសួង ស្ថាប័នពាក់ព័ន្ធ និងវិស័យឯកជន។ កិច្ចប្រជុំពិភាក្សាខាងលើនេះ ត្រូវបានរៀបចំក្នុងគោលបំណងបង្ហាញអំពីលទ្ធផលបឋមនៃការស្ទង់មតិជាមួយភាគីពាក់ព័ន្ធ ស្តីពីការលើកកម្ពស់ការតភ្ជាប់ការបញ្ជូនទំនិញក្នុងតំបន់នៅអាស៊ីអាគ្នេយ៍ (Stakeholder Survey Analysis on Enhancing Regional Freight Connectivity in Southeast Asia) ដើម្បីប្រមូលធាតុចូលក៍ដូចជាមតិយោបល់បន្ថែមទៅលើលទ្ធផលសិក្សាបឋមនេះ ដើម្បីឱ្យការសិក្សាកាន់តែមានភាពត្រឹមត្រូវ និងគ្រប់ជ្រុងជ្រោយ ហើយការស្ទង់មតិនេះគឺដើម្បីប្រមូលព័ត៌មាន និងទស្សនៈទានពីអ្នកពាក់ព័ន្ធក្នុងស្រុកដែលមានបទពិសោធន៍ក្នុងការដឹកជញ្ជូនទំនិញក្នុងតំបន់ផងដែរ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube