នារសៀលថ្ងៃពុធ ទី៧ ខែសីហា ឆ្នាំ២០២៤ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹងជញ្ជូន បានអនុញ្ញាតទទួលជួបសម្តែងការគួរសមពីសំណាក់ ឯកឧត្តម Shaharuddin Onn ឯកអគ្គរាជទូតថ្មីរបស់ប្រទេសម៉ាឡេស៊ី ប្រចាំនៅព្រះរាជាណាចក្រកម្ពុជា ដោយមានការចូលរួមពីសំណាក់ លោកជំទាវ ឯកឧត្តម ជាថ្នាក់ដឹកនាំ ព្រមទាំងប្រតិភូផងដែរ នៅទីស្តីការក្រសួងសាធារណការ និងដឹកជញ្ជូន។ ជំនួបនេះ មានគោលបំណងដើម្បីពង្រឹង និងពង្រីកបន្ថែមទៀត នូវកិច្ចសហប្រតិបត្តិការនាពេលអនាគត រវាងក្រសួង និងប្រទេសម៉ាឡេស៊ី ជាពិសេសក្នុងវិស័យសាធារណការ និងវិស័យដឹកជញ្ជូន។