បាឋកថាស្ដីពី “Data Management and Protection and Air Quality Monitoring and Mitigation Measures" សាលសហសិក្សាតេជោសែន៖ នាព្រឹកថ្ងៃពុធ ទី៧ ខែសីហា ឆ្នាំ២០២៤ ឯកឧត្ដម ប្រាងហង្ស សេរីរិទ្ធ នាយកវិទ្យាស្ថានតេជោសែន សាធារណការ និងដឹកជញ្ជូន បានអញ្ជើញជាអធិបតីភាព បើកកម្មវិធីបាឋកថាស្ដីពី “Data Management and Protection and Air Quality Monitoring and Mitigation Measures” ដោយមានការចូលរួមពី តំណាង GIZ ថ្នាក់ដឹកនាំវិទ្យាស្ថាន មន្ដ្រីរាជការ និស្សិតវិទ្យាស្ថានតេជោសែន សាធារណការ និងដឹកជញ្ជូន និង និស្សិតវិទ្យាស្ថានបច្ចេកវិទ្យាកម្ពុជា។ កម្មវិធីបាឋកថានេះ ត្រូវបានរៀបចំឡើងដោយមានការសហការរវាង វិទ្យាស្ថានតេជោសែន សាធារណការ និងដឹកជញ្ជូន និង ទីភ្នាក់ងារ GIZ ក្នុងគោលបំណងបណ្តុះបណ្តាល អំពីសក្ដានុពល នៃប្រព័ន្ធគ្រប់គ្រងចរាចរនាពេលអនាគត និងដើម្បីពង្រឹងជំនាញ និងចំណេះដឹងអំពីសុវត្ថិភាពផ្លូវថ្នល់ ព្រមទាំងវិធានការកែលម្អគុណភាពខ្យល់ និងយល់ដឹងអំពីការបង្កើតផែនទីបង្ហាញផ្លូវ(Roadmap) ការប្រមូលទិន្នន័យ និងដំណើរការពាក់ព័ន្ធសម្រាប់ការអនុវត្ដសាលល្បងនៅប្រទេសកម្ពុជា ការបង្ហាញពីដំណើរការនៃការដំឡើងកាម៉េរា ALPR និងឧបករណ៍ចាប់សញ្ញាខ្យល់។ គួររំលឹកផងដែរថា វិទ្យាស្ថានតេជោសែន សាធារណការ និងដឹកជញ្ជូន តែងតែសហការជាមួយដៃគូអភិវឌ្ឍ អង្គការ ក្រុមហ៊ុនឯកជន សមាគម គ្រឹះស្ថានឧត្ដមសិក្សា គ្រឹះស្ថានស្រាវជ្រាវ ទាំងថ្នាក់ជាតិ និងអន្ដរជាតិ ដើម្បីបង្កើតសិក្ខាសាលា វគ្គបណ្ដុះបណ្ដាល និង កម្មវិធីបាឋកថា សំដៅលើកកម្ពស់ការអប់រំ និងបណ្ដុះបណ្ដាល លើវិស័យសំណង់សាធារណការ ប្រព័ន្ធចម្រោះទឹកកខ្វក់ ភស្ដុភារកម្ម ការដឹកជញ្ជូន និងនាវាចរណ៍ ជាដើម។ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube