កិច្ចប្រជុំពិភាក្សាបន្តដើម្បីពិនិត្យ និងសម្រេចលើការរៀបចំសេចក្តីព្រាងច្បាប់ ស្តីពីវិសោធនកម្មច្បាប់ស្តីពីផ្លូវថ្នល់ ទីស្ដីការក្រសួង៖នាព្រឹកថ្ងៃព្រហស្បតិ៍ ទី១ ខែសីហា ឆ្នាំ២០២៤ ឯកឧត្តម ប៉ាល់ ចន្ទតារា រដ្ឋលេខាធិការ ក្រសួងសាធារណការ និងដឹកជញ្ជូន និងជាប្រធានក្រុមការងារទី១ នៃគណៈកម្មការចំពោះកិច្ចដោះស្រាយបញ្ហាប្រឈមពាក់ព័ន្ធនឹងការងារត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ បានអញ្ជើញដឹកនាំកិច្ចប្រជុំពិភាក្សាបន្តដើម្បីពិនិត្យ និងសម្រេចលើការរៀបចំសេចក្តីព្រាងច្បាប់ ស្តីពីវិសោធនកម្មច្បាប់ស្តីពីផ្លូវថ្នល់ ដោយមានការចូលរួមពីថ្នាក់ដឹកនាំក្រុមការងាទី១ និងក្រុមការងារលេខាធិការដ្ឋានចំពោះកិច្ចពាក់ព័ន្ធជាច្រើនរូប។ កិច្ចប្រជុំនេះធ្វើឡើង ដើម្បីបន្តកែសម្រួល និងបំពេញបន្ថែមនូវពាក្យពេចន៍ ឃ្លោងឃ្លា និងប្រយោគដែលខ្វះខាតមួយចំនួនលើមាត្រា២៦ និងមាត្រា៦០ នៃច្បាប់ស្តីពីផ្លូវថ្នល់ សំដៅធ្វើយ៉ាងណាឱ្យការរៀបចំសេចក្ដីព្រាងច្បាប់ ស្តីពីវិសោធនកម្មច្បាប់ស្តីពីផ្លូវថ្នល់នេះមានខ្លឹមសារច្បាស់លាស់ និងគ្រប់ជ្រុងជ្រោយឱ្យស្របតាមការស្នើសុំរបស់វិស័យឯកជន ដែលបានលើកឡើងនៅក្នុងវេទិការវាងរាជរដ្ឋាភិបាល និងវិស័យឯកជន និងតាមការវិវឌ្ឍរបស់សង្គម៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube