កិច្ចប្រជុំលើកដំបូង នៃក្រុមការងារបច្ចេកទេសអន្តរក្រសួងតភ្ជាប់ទិន្នន័យព័ត៌មានវិទ្យារវាងក្រសួងមហាផ្ទៃ និងក្រសួងសាធារណការ និងដឹកជញ្ជូន ទីស្ដីការក្រសួង៖ នាព្រឹកថ្ងៃពុធ ទី២៩ ខែឧសភា ឆ្នាំ២០២៤ ឯកឧត្ដម នឹម សុធា អនុរដ្ឋលេខាធិការក្រសួងសាធារណការ និងដឹកជញ្ជូន និងជាប្រធានក្រុមការងារបច្ចេកទេសអន្តរក្រសួងតភ្ជាប់ទិន្នន័យព័ត៌មានវិទ្យារវាងក្រសួងមហាផ្ទៃ និងក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិភាក្សាកម្រិតបច្ចេកទេសលើកដំបូង ការចែករំលែកទិន្នន័យរវាងក្រសួងសាធារណការ និងដឹកជញ្ជូន និងក្រសួងមហាផ្ទៃ ដោយមានការអញ្ជើញចូលរួមពី ឯកឧត្តមអគ្គនាយក លោក លោកស្រី អគ្គនាយករង ប្រធាននាយកដ្ឋាន មន្ត្រីជំនាញពាក់ព័ន្ធ នៃក្រសួងទាំងពីរ។ កិច្ចប្រជុំនេះរៀបចំឡើងដើម្បីប្រកាសសមាសភាពក្រុមការងារបច្ចេកទេសអន្តរក្រសួងតភ្ជាប់ទិន្នន័យព័ត៌មានវិទ្យារវាងក្រសួងមហាផ្ទៃ និងក្រសួងសាធារណការ និងដឹកជញ្ជូន និងក្នុងគោលបំណង បញ្ជាក់ព័ត៌មានអំពីក្របខណ្ឌនៃក្រុមការងារអន្តរក្រសួង នៃការតភ្ជាប់ហេដ្ឋារចនាសម្ព័ន្ធឌីជីថល នៃក្រសួងទាំងពីរ ដោយសំដៅជំរុញបរិវត្តកម្មឌីជីថល ក្នុងកិច្ចលើកកម្ពស់ការផ្ដល់សេវាសាធារណ: អោយកាន់តែមានភាពល្អប្រសើរ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube