ពិធីសំណេះសំណាលជាមួយអង្គបោះឆ្នោតក្នុងយុទ្ធនាការឃោសនាបោះឆ្នោតជ្រើសរើសក្រុមប្រឹក្សាខេត្ត ក្រុង ស្រុក អាណត្តិទី៤ ឆ្នាំ២០២៤ នៅស្រុកកោះញែក ខេត្តមណ្ឌលគិរី ក្រោមអធិបតីភាព ឯកឧត្តម ឈួន វិន ប្រធានក្រុមការងារគណបក្សចុះមូលដ្ឋានខេត្តមណ្ឌលគិរី មណ្ឌលគិរី៖ នាព្រឹកថ្ងៃអាទិត្យ ទី១៩ ខែឧសភា ឆ្នាំ២០២៤ ឯកឧត្តម ឈួន វិន ប្រធានក្រុមការងារគណបក្សចុះមូលដ្ឋានខេត្តមណ្ឌលគិរី បានអញ្ជើញជាអធិបតីក្នុងពិធីសំណេះសំណាលជាមួយអង្គបោះឆ្នោត ក្នុងយុទ្ធនាការឃោសនាបោះឆ្នោតជ្រើសរើសក្រុមប្រឹក្សាខេត្ត ក្រុង ស្រុក នៅស្រុកកោះញែក ដោយមានការចូលរួមពី ឯកឧត្តម ថង សាវុន សមាជិកគណៈកម្មាធិការកណ្ដាល និងជាប្រធានគណៈកម្មាធិការគណបក្សខេត្តមណ្ឌលគិរី ឯកឧត្តម ដួង ហេង អនុប្រធានទី១ ក្រុមការងារគណបក្សចុះមូលដ្ឋានខេត្តមណ្ឌលគិរី ឯកឧត្តម ចាន់ យឿន អ្នកតំណាងរាស្រ្តមណ្ឌលខេត្តមណ្ឌលគិរី និង ឯកឧត្តម អ៊ួង កុសល ប្រធានក្រុមការងារគណបក្សចុះមូលដ្ឋានស្រុកកោះញែក ព្រមទាំងឯកឧត្តម អនុប្រធានក្រុមការងារ សមាជិក សមាជិកា ក្រុមការងារគណបក្សចុះមូលដ្ឋានស្រុកកោះញែក សរុបប្រមាណ១០០រូប។ អង្គប្រជុំទាំងមូលបានវាយតម្លៃខ្ពស់ដល់ក្រុមការងារ និងគណៈកម្មាធិការគណបក្សគ្រប់លំដាប់ថ្នាក់ លោក លោកស្រី ក្រុមប្រឹក្សាឃុំ នៅស្រុកកោះញែក ព្រមទាំងគណៈកម្មាធិការគណបក្សខេត្តមណ្ឌលគិរី ដែលបានដឹកនាំការងារគណបក្ស និងក្រុមការងារគណបក្សចុះមូលដ្ឋានស្រុកកោះញែក ចុះពង្រឹងការងារគណបក្ស ដែលសម្រេចបានសមិទ្ធផលយ៉ាងច្រើនក្នុងការអភិវឌ្ឍមូលដ្ឋានរបស់យើង និងបម្រើឱ្យផលប្រយោជន៍របស់ប្រជាជន និងសង្គមជាតិ។ គួរបញ្ជាក់ថាការបោះឆ្នោតជ្រើសរើសក្រុមប្រឹក្សាខេត្ត ក្រុង ស្រុក អាណត្តិទី៤ ឆ្នាំ២០២៤ នឹងប្រព្រឹត្តទៅនៅថ្ងៃទី២៦ ខែឧសភា ឆ្នាំ២០២៤ ខាងមុខនេះ៕