កិច្ចប្រជុំចង្អៀតផ្ទៃក្នុងពិភាក្សាលើការផ្ដល់ធាតុចូល សម្រាប់ត្រៀមបំភ្លឺលើការស្នើសុំកែសម្រួលមាត្រាមួយចំនួន នៅក្នុងសេចក្តីព្រាងច្បាប់ស្តីពីប្រព័ន្ធទឹកកខ្វក់ ទីស្តីការក្រសួង៖ នាថ្ងៃចន្ទ ទី១៣ ខែឧសភា ឆ្នាំ២០២៤ ឯកឧត្តម រស់ វណ្ណា រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំចង្អៀតផ្ទៃក្នុង ដើម្បីពិភាក្សាផ្ដល់ធាតុចូល សម្រាប់ត្រៀមបំភ្លឺ ការពារ តាមការស្នើសុំកែសម្រួលនៅក្នុងសេចក្តីព្រាងច្បាប់ស្តីពីប្រព័ន្ធទឹកកខ្វក់ របស់ក្រសួងពាក់ព័ន្ធ។ កិច្ចប្រជុំនេះ មានការចូលរួមពី ថ្នាក់ដឹកនាំ នៃអគ្គនាយកដ្ឋានប្រព័ន្ធចម្រោះទឹកកខ្វក់ អគ្គនាយកដ្ឋានផែនការ និងគោលនយោបាយ និងមន្ត្រីជំនាញពាក់ព័ន្ធផងដែរ។ កិច្ចប្រជុំត្រូវបានរៀបចំឡើងក្នុងគោលបំណង គឺដើម្បីពិនិត្យ និងត្រៀមលក្ខណៈ ក្នុងការការពារ និងបកស្រាយបំភ្លឺលើមាត្រាមួយចំនួននៅក្នុងសេចក្តីព្រាងច្បាប់ស្តីពីប្រព័ន្ធទឹកកខ្វក់ ដែលក្រសួងពាក់ព័ន្ធបានធ្វើការស្នើសុំឱ្យមានការកែសម្រួល ទៅកាន់ ឯកឧត្តមឧបនាយករដ្ឋមន្រ្តីប្រចាំការ រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube