ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញសួរសុខទុក្ខ និងគោរពជូនពរលោកជំទាវ និន សាផុន ប្រធានគណៈកម្មការទី៩ នៃរដ្ឋសភា និង ឯកឧត្តម គង់ សារាជ ទីប្រឹក្សាសម្តេចតេជោប្រធានព្រឹទ្ធសភា និងជាអតីតប្រធានគណៈកម្មការទី៩ ព្រឹទ្ធសភា ក្នុងឱកាសបុណ្យចូលឆ្នាំថ្មី ប្រពៃណីជាតិ ភ្នំពេញ៖ នាព្រឹកថ្ងៃទី០៦ ខែមេសា ឆ្នាំ២០២៤ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន រួមដំណើរដោយថ្នាក់ដឹកនាំក្រសួង បានអញ្ជើញសួរសុខទុក្ខ និងជូនពរ លោកជំទាវ និន សាផុន និងឯកឧត្តម គង់ សារាជ នាឱកាសបុណ្យចូលឆ្នាំថ្មី ប្រពៃណីជាតិ នៅគេហដ្ឋាន របស់លោកជំទាវ និងឯកឧត្តមផ្ទាល់។ ក្នុងឱកាសនោះ ឯកឧត្តមរដ្ឋមន្រ្តី បានគោរពជូនពរ សូមលោកជំទាវ និងឯកឧត្តមទាំងពីរ សូមមានសុខភាពល្អបរិបូរណ៍ ដើម្បីបន្តភារកិច្ចបម្រើជាតិមាតុភូមិកម្ពុជា ឱ្យកាន់តែរីកចម្រើនក្រោមម្លប់នៃសុខសន្តិភាព ការអភិវឌ្ឍ និងសូមប្រកបនូវពុទ្ធពរទាំងបួនប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕