គណ:ប្រតិភូក្រសួងសាធារណការ និងដឹកជញ្ជូន គ្រោងនឹងធ្វើដំណើរការទស្សនកិច្ចទៅកាន់ប្រទេសអូស្ត្រាលី ដើម្បីសិក្សាស្វែងយល់បន្ថែមអំពីការងារប្រព័ន្ធចម្រោះទឹកកខ្វក់ ទីស្តីការក្រសួង៖ កាលពីថ្ងៃសុក្រ ទី១៩ ខែមករា ឆ្នាំ២០២៤ ឯកឧត្តម រស់ វណ្ណា រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំតាមរយ:ប្រព័ន្ធវីដេអូពីចំងាយជាមួយស្ថានទូតអូស្ត្រាលី សមាគមទឹកអូស្ត្រាលី AWA និង Partnership for Infrastructure (P4I) នៃប្រទេសអូស្ត្រាលី ដោយមានការអញ្ជើញចូលរួមពីឯកឧត្តមអនុរដ្ឋលេខាធិការ លោកអគ្គនាយកស្តីទី និងថ្នាក់ដឹកនាំ ព្រមទាំងមន្ត្រីជំនាញពាក់ព័ន្ធ នៃអគ្គនាយកដ្ឋានប្រព័ន្ធចម្រោះទឹកកខ្វក់។ កិច្ចប្រជុំត្រូវបានរៀបចំក្នុងគោលបំណងដើម្បីពិភាក្សាការងារពាក់ព័ន្ធនឹងដំណើរការទស្សនកិច្ចទៅកាន់ប្រទេសអូស្ត្រាលីរបស់គណ:ប្រតិភូក្រសួងសាធារណការ និងដឹកជញ្ជូន ក្នុងការសិក្សាស្វែងយល់បន្ថែមអំពីការងារប្រព័ន្ធចម្រោះទឹកកខ្វក់។ សូមជម្រាបជូនថា ដំណើរទស្សនកិច្ចរបស់គណ:ប្រតិភូក្រសួងសាធារណការ និងដឹកជញ្ជូន នឹងចាប់ផ្តើមនាចុងខែមេសា និងដើមខែឧសភា ជាមួយគ្នានេះដែរ គណ:ប្រតិភូរបស់ប្រទេសអូស្ត្រាលី ក៏នឹងអញ្ជើញមកទស្សនកិច្ចប្រទេសកម្ពុជាក្នុងអំឡុងខែមករា និងកុម្ភ:នេះផងដែរ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube