ជួបជុំមហាគ្រួសារសាធារណការ និងដឹកជញ្ជូន ដើម្បីជាការគោរពដឹងគុណ ចំពោះស្នាដៃ និងការដឹកនាំកន្លងមក ក៏ដូចជាចូលរួមអបអរសាទរ គោរពជូនពរចំពោះ ឯកឧត្តម ស៊ុន ចាន់ថុល ឧបនាយករដ្ឋមន្ត្រី ក្នុងបេសកកម្មបម្រើជាតិ មាតុភូមិ និងប្រជាជន ក្នុងនីតិកាលថ្មី ព្រមទាំងអបអរសាទរ គោរពជូនពរចំពោះឯកឧត្តម ប៉េង ពោធិ៍នា ដែលទទួលភារកិច្ចជារដ្ឋមន្ត្រី នៃក្រសួងសាធារណការ និងដឹកជញ្ជូន។ កម្មវិធីនេះត្រូវបានធ្វើឡើងនៅថ្ងៃទី២៤ ខែសីហា ឆ្នាំ២០២៣ ដោយមានការចូលរួមពី ឯកឧត្តម លោកជំទាវ ជាថ្នាក់ដឹកនាំ ព្រមជាមួយមន្ត្រីរាជការជាច្រើនរូប ក្នុងស្មារតីមហាសាមគ្គី និងការប្តេជ្ញាចិត្តខ្ពស់ដើម្បីបន្តអភិវឌ្ឍ វិស័យសាធារណការ និងដឹកជញ្ជូននៅកម្ពុជា ឱ្យកាន់តែរីកចម្រើនទៅមុខបន្តទៀត។