ផ្លូវទឹក គម្រោងព្រែកជីកហ្វូណន-តេជោ និងគម្រោងផ្លូវល្បឿនលឿន ភ្នំពេញ- សៀម រាប, សៀមរាប-ប៉ោយប៉ែត គឺគម្រោងផ្នែកដឹកជញ្ជូនដ៏សំខាន់ ដែលត្រូវបានរៀបចំគូសវាសផែនការយ៉ាងយកចិត្តទុកដាក់ ដោយ ឯកឧត្តមទេស រដ្ឋ មន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន និងមានការគាំទ្រពីសម្តេចតេជោ ហ៊ុន សែន ប្រមុខរាជរដ្ឋា ភិបាល នីតិកាលទី៦នោះ គឺនៅពេលរាជរដ្ឋាភិបាលអាណត្តិថ្មីចាប់ផ្ដើមដំណើរការជាស្ថាពរនោះ ផ្លូវទាំងនេះនៅតែបន្តអនុវត្តដដែល។ ក្នុងបទសម្ភាសន៍មួយ ពេលចុះពិនិត្យផ្លូវលេខ៧៦ បាក់ស្រុតនៅស្រុកអូររាំង ខេត្តមណ្ឌលគិរី កាលពីប៉ុន្មានថ្ងៃមុននេះ ឯកឧត្តមទេស រដ្ឋ មន្ត្រី ស៊ុន ចាន់ថុល ក្នុងមុខតំណែងរាជរដ្ឋាភិបាលចាស់ បាទមានប្រសាសន៍ទៅកាន់គោរពអ្នកសារព័ត៌មានថា រាជរដ្ឋាភិបាលអាណត្តិថ្មី ដែលនឹងចាប់ផ្តើមនៅថ្ងៃទី២២ ខែ សីហា ឆ្នាំ២០២៣ តទៅ នឹងមានការធ្វើកំណែទម្រង់កម្រិតខ្ពស់ជាប្រវត្តិសាស្ត្រ ដោយប្តូរ ទាំងនាយករដ្ឋមន្ត្រី ហើយក៏ប្តូរទាំងរដ្ឋមន្ត្រីកាន់ការងារនៅក្រសួង សាធារ ណ ការ និងដឹកជញ្ជូនផងដែរ។ យើងងាកមកគម្រោងព្រែកជីកហ្វូណន-តេជោ គឺជាគម្រោងដឹកជញ្ជូនផ្លូវ ទឹក ពីទន្លេបាសាក់ ទៅកាន់សមុទ្រកម្ពុជាខេត្តកំពត ខេត្តកែប និងខេត្តព្រះសីហនុ, និងគម្រោងផ្លូវល្បឿនលឿន ភ្នំពេញ- សៀមរាប, សៀមរាប-ប៉ោយប៉ែត ជាខ្សែដឹកជញ្ជូនដ៏សំខាន់, ស្រពេលនេះ រាជរដ្ឋាភិបាលក្នុងអាណត្តិចាស់ ត្រូវបានបិទបញ្ចប់ទៅហើយ ប៉ុន្តែគម្រោងទាំងពីរនេះក៏មិនទាន់ឈានដល់ការបើកការដ្ឋានសាងសង់ នៅឡើយដែរ ដូច្នេះក៏បង្កើតការងឿងឆ្ងល់ដល់ប្រជាពលរដ្ឋលើកជាសំណួរថា តើគម្រោងទាំងពីរខាងលើនេះ នៅតែបន្ត ឬយ៉ាងណា? បើតាមប្រសាសន៍របស់ ឯកឧត្តមទេសរដ្ឋមន្ត្រី ស៊ុន ចាន់ថុល បានបញ្ជាក់ថា ពេលរាជរដ្ឋាភិបាលអាណត្តិថ្មីចូលមកដល់ គឺនៅតែបន្តគម្រោងទាំងពីរនេះដដែល។ គម្រោងទាំងពីរ ខាងលើ គឺជាគម្រោងរបស់ជាតិ ជានយោបាយ អាទិភាព របស់ រាជរដ្ឋាភិបាល ដឹកនាំដោយ គណបក្សប្រជាជនកម្ពុជា, ដូច្នេះរាជរដ្ឋាភិបាល អា ណត្តិថ្មី នៅ តែ បន្តលើគម្រោងដ៏មានសារៈសំខាន់ទាំងពីរខាងលើនេះដដែល។