ក្រោយភ្លៀងធ្លាក់ជោគជាំផ្លូវ១ខ្សែប្រវែង២.០០០ម៉ែត្រត្រូវបានរងការខូចខាតជួបការលំបាក់ដល់ប្រជាពលរដ្ឋទៅមកអាជ្ញាធរបានធ្វើការជួសជុលឡើងវិញ បន្ទាយមានជ័យ៖ ក្រោយភ្លៀងធ្លាក់ជោគជាំផ្លូវ១ខ្សែប្រវែង២.០០០ម៉ែត្រត្រូវបានរងការខូចខាតជួបការលំបាក់ដល់ប្រជាពលរដ្ឋទៅមកអាជ្ញាធរបានធ្វើការជួសជុលឡើងវិញកាលពីថ្ងៃទី៣១ ខែឧសភា ឆ្នាំ២០២៣ស្ថិតក្នុងសង្កាត់.ក្រុងប៉ោយប៉ែត។ លោក បោន សិលា អភិបាលរងក្រុងប៉ោយប៉ែតបានប្រាប់ថា៖នៅរដូវវស្សានេះមានភ្លៀងធ្លាក់ជោគជាំផ្លូវ១ខ្សែប្រវែង២.០០០ម៉ែត្រដែលតភ្ជាប់ពីភូមិចាន់គីរី ដល់ភូមិមិត្តភាព សង្កាត់.ក្រុងប៉ោយប៉ែត មានទឹកដក់ភក់ជ្រាំប្រជាពលរដ្ឋជួបការលំបាក់ទៅមកនិងដឹកកសិផលនិងសិស្សានុសិស្សជួបការលំបាក់ទៅសិក្សា។ លោកបានបញ្ជាក់ថា៖ជាការយកចិត្តទុកដាក់ពីឯកឧត្តម នាយឧត្តមសេនីយ៍ កែ គឹមយ៉ាន ប្រធានអាជ្ញាធរជាតិ ប្រយុទ្ធប្រឆាំងគ្រឿងញៀន និងប្រធានក្រុមការងារថ្នាក់ជាតិចុះជួយមូលដ្ឋានខេត្តបន្ទាយមានជ័យ បានជួយថ្មកំទិចថ្មមិចតាមរយៈរដ្ឋបាលសាលាក្រុងប៉ោយប៉ែត លោក គាត ហ៊ុល អភិបាលក្រុងប៉ោយប៉ែតបានដឹកនាំគ្រឿងចក្រឈូសឆាយនិងជួសជុលឡើងវិញ។ លោក បោន សិលា បានបញ្ជាក់ថា៖ក្រោយធ្វើការជួសជុលផ្លូវ១ខ្សែប្រវែង២.០០០ម៉ែត្រដោយក្រាលថ្មមិចដើម្បីសម្រួលចរាចរណ៍ដល់ប្រជាពលរដ្ឋនិងសិស្សានុសិស្សបានទៅមកសិក្សា ហើយសុំអោយបងប្អូនប្រជាពលរដ្ឋត្រូវចូលរួមថែរក្សាផ្លូវអោយបានគង់វង់ ហើយហាមផ្តាច់នៅរដូវភ្លៀងធ្លាក់ជោគជាំមិនអោយរថយន្តធុនធំនិងរថយន្តដឹកដីលក់ដើម្បីប្រយោជន៍ខ្លួនតែខូចខាតសម្បត្តិសាធារណៈបើឃើញអាជ្ញាធរមូលដ្ឋានត្រូវណែនាំប្រាប់បើមិនស្តាប់ត្រូវមានវិធានការបើចូលបណ្តាលខូចផ្លូវត្រូវជួសជុលសង៕