កិច្ចប្រជុំពិភាក្សាស្ដីពីការត្រៀមរៀបចំកិច្ចប្រជុំបូកសរុបលទ្ធផលការងារឆ្នាំ២០២២ និងលើកទិសដៅឆ្នាំ២០២៣ របស់ក្រុមការងារ ស.ស.យ.ក វិស័យសាធារណការ និងដឹកជញ្ជូន ភ្នំពេញ៖ ថ្ងៃព្រហស្បតិ៍ ១៣រោច ខែបុស្ស ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៩ ខែមករា ឆ្នាំ២០២៣ លោក ឈួន វិន ប្រធានក្រុមការងារ ស.ស.យ.ក. វិស័យសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំផ្ទៃក្នុង ដើម្បីពិភាក្សាលើការងារត្រៀមរៀបចំកិច្ចប្រជុំបូកសរុបលទ្ធផលការងារឆ្នាំ២០២២ និងលើកទិសដៅការងារឆ្នាំ២០២៣ របស់ក្រុមការងារ ស.ស.យ.កក្នុងវិស័យ ដោយកិច្ចប្រជុំនេះក៏មានការអញ្ជើញចូលរួមពី លោក លោកស្រី ជាអនុប្រធាន និងសមាជិក ក្រុមការងារចំនួន១៤រូប។ អង្គប្រជុំក៏បានបន្តពិភាក្សាលើផែនការបណ្ដុះបណ្ដាល ផ្សព្វផ្សាយស្ដីពីសុវត្ថិភាពចរាចរណ៍ផ្លូវគោក នៅតាមសាកលវិទ្យាល័យមួយចំនួន ព្រមទាំងការលើកទឹកចិត្ត និងបណ្ណសរសើរជូនសមាជិក សមាជិកា ដែលសកម្មផងដែរ។ ក្នុងឱកាសនោះដែរលោកប្រធានក្រុមការងារ ក៏បានគូសបញ្ជាក់ដល់ផ្នែកដឹកជញ្ជូន និងក្រុមអាជីវកម្ម ឱ្យត្រៀមលក្ខណៈជាស្រេចសម្រាប់ការចូលរួម និងតាំងបង្ហាញនូវលផលិតផលដែលធ្វើដោយដៃ និងការផ្សព្វផ្សាយសុវត្ថិភាពចរាចរណ៍ផ្លូវគោក នៅក្នុងកម្មវិធីពិព័រណ៍ផ្លាកលេខ និងរថយន្ដ ព្រមទាំងនៅក្នុងព្រឹត្តិការណ៍អង្គរសង្ក្រាន្ដនាពេលខាងមុខនេះ៕