ភ្នំពេញ៖ ដើម្បីឆ្លើយតបទៅនឹងកំណើនយានយន្តក្នុងប្រទេសកម្ពុជា និងជាពិសេសដើម្បីចូលរួមជាមួយរាជរដ្ឋាភិបាល ក្នុងការពង្រីកការផ្តល់សេវាសាធារណៈ ឱ្យកាន់តែទូលំទូលាយ និងកាន់តែខិតជិតបងប្អូនប្រជាពលរដ្ឋ ក្រុមហ៊ុនខេមបូឌា ម៉ូទ័រវីហ៊ីឃល អ៊ិនស្ពេកសិន (Cambodia Motor Vehicle Inspection) បានសម្រេចបើកឱ្យដំណើរការសាកល្បង មណ្ឌលត្រួតពិនិត្យលក្ខណៈបច្ចេកទេសយានយន្ត(ឆៀក) ថ្មីមួយកន្លែងនៅតាមបណ្តោយមហាវិថីហាណូយ ជិតច្រកចូលវត្តសំរោងអណ្តែត។ មណ្ឌលឆៀកថ្មីរបស់ក្រុមហ៊ុន ខេមបូឌា ម៉ូទ័រវីហ៊ីឃល អ៊ិនស្ពេកសិន (Cambodia Motor Vehicle Inspection) បានទទួលអាជ្ញាបណ្ណអនុញ្ញាតឱ្យធ្វើអាជីវកម្មពី ក្រសួងសាធារណការ និងដឹកជញ្ជូន ដែលធានាបានថាការត្រួតពិនិត្យលក្ខណៈបច្ចេកទេសយានយន្តនៅទីនេះ គឺប្រកបដោយភាពត្រឹមត្រូវគ្រប់លក្ខខណ្ឌ តាមបទដ្ឋានបច្ចេកទេស។ សូមជម្រាបជូនដែរថា៖ មណ្ឌលត្រួតពិនិត្យលក្ខណ:បច្ចេកទេសយានយន្តថ្មី ហាណូយសំរោងអណ្តែត មានទីតាំងស្ថិតនៅតាមបណ្តោយមហាវិថីហាណូយ ក្នុងភូមិពោងពាយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ មណ្ឌលបើកដំណើរការរៀងរាល់ថ្ងៃចន្ទ ដល់ថ្ងៃសៅរ៍ ចាប់ពីម៉ោង ៧:០០នាទីព្រឹក រហូតដល់ម៉ោង ១៧:០០នាទីល្ងាច៕ ព័ត៌មានបន្ថែមសូមទាក់ទងទៅកាន់លេខ៖ 011 579 697 ឬ 016 719 293 :: ផែនទីទីតាំងសូមចុចលើតំណភ្ជាប់នេះ៖ https://goo.gl/maps/f2j37aSwAdwPZf5P8