ភ្នំពេញៈ ស្ពានដែកបេឡេ ឆ្លងកាត់ទន្លេសាប ត្រង់ចំណុច មុខឃ្លាំង សាំសូគីមិច គីលូម៉ែត្រ លេខ៦ ឆ្ពោះមកកាន់តំបន់អភិវឌ្ឍន៍ ទីក្រុងរណបជ្រោយចង្វា ខណ្ឌជ្រោយចង្វា ដែល ត្រូវ បាន សម្ភោធដាក់ឲ្យប្រើប្រាស់មិនបាន មួយថ្ងៃល្អ ផង គឺសម្ភោធ ពេលល្ថាចយប់ឡើង ត្រូវក្រុមចោរ២០នាក់ ជិះទូកជាច្រើនគ្រឿង ប្រដាប់ដោយម៉ាស៊ីនកាត់ដែក គ្រប់ប្រភេទ បានធ្វើសកម្មភាពលួច កាត់ដែលស្ពាន ទាំងកណ្តាលយប់ តែសំណាង សន្តិសុខឃើញទាន់ឃាត់ខ្លួនជនសង្ស័យចំនួន៤នាក់ជាជនជាតិឥស្លាមនិងទូកចំនួន៣គ្រឿង។ ហេតុការណ៏ នេះបានឲ្យបានកើតឡើងកាលពី វេលាម៉ោង១២និង៣០នាទីរំលងអាធ្រាតឈានចូលថ្ងៃទី០៩ ខែឧសភា ឆ្នាំ២០១៨ តាមបណ្តោយផ្លូវជាតិលេខ៥ ត្រង់ ចំណុច មុខឃ្លាំង សាំសូគីមិច គីលូម៉ែត្រ លេខ៦ សង្កាត់ ឬស្សីកែវ ខណ្ឌឬស្សីកែវ ឆ្លងទៅខណ្ឌជ្រោយចង្វារ។ នៅវេលាម៉ោង១២និង៣០នាទីរំលងអាធ្រាតឈានចូលថ្ងៃទី០៩ ខែឧសភា ឆ្នាំ២០១៨ត្រូវជនសង្ស័យមួយក្រុមមានគ្នាជាង២០ទូកបានធ្វើសកម្មភាពលួចកាត់ដែកក្រោមស្ពានហើយត្រូវកម្លាំងសមត្ថកិច្ចឃាត់ខ្លួនជនសង្ស័យចំនួន៤នាក់ជាជនជាតិឥស្លាមនិងទូកចំនួន៣គ្រឿង។ បើតាមការអោយដឹងពីក្រុមសន្តិសុខដែលយាមនៅគល់ស្ពានបានអោយដឹងថា ទូកដែលមកធ្វើសកម្មភាពលួចកាត់ដែកក្រោមស្ពានគឺមានរហូត២០ទៅ៣០ទូកឯណោះ តែសមត្ថកិច្ចឃាត់បានភ្លាមៗតែមួយទូកប៉ុណ្ណោះនិងមានដែកដែលកាត់រួចនៅក្នុងទូក ចំណែកទូកផ្សេងទៀតហើយគេចខ្លួនបាត់។ ក្រោយពីកើតហេតុសមត្ថកិច្ចនៅតែបន្តតាមរកនៅតាមមាត់ច្រាំងទន្លេរហូតមកដល់មុខវត្តចាស់ទើបឃើញទូកពីរគ្រឿងដែលមានជនសង្ស័យបួននាក់ដោយមានសង្ស័យទើបឃាត់សួរនាំនិងឆែកឆេរក៏ឃើញម៉ាស៊ីនកាត់ដែកនិងដែកមួយចំនួនដែលជនសង្ស័យបោះទំលាក់ចូលក្នុងទឹកនៅក្បែរនោះ ទើបនាំខ្លួនជនសង្ស័យទាំងនោះយកទៅសួរនាំនៅអធិការដ្ឋាន សូមរំលឹកថា ស្ពានបាឡេថ្មី ឆ្លងកាត់ទន្លេសាប ពីចំណុចឃ្លាំងស្តុកប្រេងសូគីម៉ិច ផ្លូវជាតិលេខ៥ ក្នុងខណ្ឌឫស្សីកែវ ឆ្ពោះមកកាន់តំបន់អភិវឌ្ឍន៍ ទីក្រុងរណបជ្រោយចង្វា ខណ្ឌជ្រោយចង្វា បានបើកសម្ពោធដាក់ឲ្យចរាចរណ៍ជាផ្លូវការ នៅរសៀលថ្ងៃទី០៨ ខែឧសភា ឆ្នាំ២០១៨នេះហើយ ក្រោយពីបានដំណើរការសាងសង់ អស់រយៈពេល៦ខែ កន្លងមកនេះ។ ពិធីនេះធ្វើឡើងក្រោមអធិបតីភាពលោក ឃួង ស្រេង អភិបាលរាជធានីភ្នំពេញ និងលោកឧកញ៉ា ពង់ ឃាវសែ អគ្គនាយកក្រុមហ៊ុន OCIC ព្រមទាំងមានការចូលរួមពីអាជ្ញាធរដែនដីខណ្ឌទាំង២ និងមន្ត្រីរដ្ឋបាលរាជធានីភ្នំពេញ ជាច្រើនរូបទៀត។ មន្ទីរសាធារណការ និងដឹកជញ្ជូនរាជធានីភ្នំពេញ បានបញ្ជាក់ថា ស្ពានបាឡេឆ្លងកាត់ទន្លេសាប បានបញ្ចប់ការសាងសង់កាលពីថ្ងៃទី០៥ ខែឧសភា និងបានសាកល្បងធ្វើតេស្តទ្រទម្ងន់នៃស្ពាន ដើម្បីធានាសុវត្ថិភាពនៃការធ្វើចរាចរណ៍ ការដំឡើងស្លាកសញ្ញាចរាចរណ៍ ការលាបគំនូសចរាចរណ៍ និងដំឡើងភ្លើងស្តុបថ្មី ដែលឈានទៅដាក់ឲ្យដំណើរការធ្វើចរាចរណ៍នៅថ្ងៃនេះ។ អ្នកឧកញ៉ា ពង់ ឃាវសែ អគ្គនាយកក្រុមហ៊ុន OCIC បានបញ្ជាក់ថា ស្ពានបាឡេថ្មីនេះមានទទឹង១២ម៉ែត្រ និងបណ្ដោយ ៥០០ម៉ែត្រ ដោយចំណាយថវិកាសាងសង់ ចំនួន៩លានដុល្លារ ប្រើពេលសាងសង់៦ខែ។ ពេលដំណើរការ រថយន្តទម្ងន់លើសពី១៥តោន និងមានកម្ពស់លើស ២,៨ម៉ែត្រ មិនអនុញ្ញាតឲ្យឆ្លងកាត់ឡើយ៕