ខេត្តឧត្តរមានជ័យ ៖ សេចក្តីរាយការណ៍បានអោយដឹងថា ចាប់តាំងពីលោក សាំង ប៊ុនថេន ត្រូវបានផ្ទេរពីខេត្តបាត់ដំបង ទៅកាន់តំណែងជាប្រធានមន្ទីរសាធារណការខេត្តឧត្តរមានជ័យ អស់រយៈពេលជាច្រើនឆ្នាំមកនេះ រូបគាត់បានប្រព្រឹត្តអំពើពុករលួយ ជាមួយនិងកូនចៅជិតមួយចំនួន ដើម្បីផលប្រយោជន៍ផ្ទាល់ខ្លួន ធ្វើមាន-ធ្វើបានធ្វើអោយមន្ត្រីតូចតាចនៅក្នុងមន្ទីរដែលមិនមែនជាបក្ខពួកកើតការ ក្ដៅក្រហាយយ៉ាងខ្លាំង តែមិនហ៊ានតវ៉ាព្រោះខ្លាចបរាជ័យនាំទុក្ខថែមដល់ខ្លួន។ ប្រភពបានអោយដឹងថា ចាប់តាំងពីលោក សាំង ប៊ុនថេន ឡើងជាប្រធានមន្ទីរនោះរូបគាត់បាននាំយកមន្ត្រីមួយចំនួន ពីខេត្តបាត់ដំបងអោយមកបំរើការងារនៅក្នុងមន្ទីរ ដើម្បីពង្រឹងអំណាចថែមទៀត។ ចាប់តាំងពីពេលនោះមកលោកប្រធានមន្ទីរ សាំង ប៊ុនថេន បានរួមដៃជាមួយលោកអនុប្រធានមន្ទីរ ចំរើន សេរីរិទ្ធ ដែលត្រូវជា បងប្រុសរបស់លោកចំរើន កុសល ប្រធានការិយាល័យផែនការ និងគណនេយ្យ រួមជាមួយប្រពន្ធលោក ចំរើន កុសល ជាដើម។ ប្រភពបានអោយដឹងថា ក្នុងឆ្នាំៗដោយសារតែនៅក្នុងមន្ទីរមានអំពើពុករលួយបានធ្វើអោយបាត់បង់ទឹកប្រាក់ក្នុង១ឆ្នាំខ្ទង់រយលានរៀលហើយប្រយោជន៏ភាគច្រើន ធ្លាក់ទៅដៃលោកប្រធានមន្ទីរ សាំង ប៊ុនថេន នឹងលោក ចំរើន សេរីរិទ្ធរួមនឹងលោក ចំរើន កុសល ដែលប្រធានការិយាល័យផែនការនិងគណនេយ្យរបស់មន្ទីរ។ថវិកា ដែល ត្រូវលោកសាំង ប៊ុនថេន នឹងបក្ខពួកនាំគ្នាកិបកេងភាគច្រើនប្រាក់បុរេប្រទាននៅជំពួក៦០នឹង៦១រួមនឹងប្រាក់ទូទាត់ត្រង់មួយផ្នែកធំជាពិសេសការចំណាយលើផ្នែកថែ ទាំនឹងជុសជុលផងដែរ។សំរាប់ការចំណាយ បើគេមើលពីសម្បកក្រៅគឺលោក សាំង ប៊ុនថេន នឹង លោក ចំរើន កុសលបានរួមដៃគ្នាធ្វើឯកសារចំណាយបានយ៉ាងល្អ ប៉ុន្តែ បើចុះត្រួតពិនិត្យការចំណាយ អោយដល់គោលដៅទើបដឹងថា មានអំពើពុករលួយខ្លាំងនៅក្នុងមន្ទីរ។ បញ្ហានេះបានធ្វើអោយមន្ត្រីជាច្រើននៅក្នុងមន្ទីរជាពិសេសមន្ត្រីដែលបំរើកាងារយូមិនសូវសប្បាយចិត្តនឹងការដឹកនាំតែមិនហ៊ានតតាំង។ ករណីនេះគួរក្រសួងសាធារណការ ដែលមានលោកទេសរដ្ឋមន្ទ្រី ជារដ្ឋមន្ត្រី នឹងលោកទេសរដ្ឋមន្ត្រី ឱម យិនទៀងប្រធានអង្គភាពប្រឆាំងអំពើពុករលួយគួរបើកការស្រាវជ្រាវអោយបានស៊ីជម្រៅព្រោះបើ លោកសាំង ប៊ុនថេនជាមន្ទ្រីល្អមិនមែនយកបក្ខពួកពីខេត្តបាត់ដំបង ទៅខេត្តឧត្តរមានជ័យនោះឡើយ៕ ករណីខាងលើមិនអាចទទួលការបំភ្លឺពីលោក សាំង ប៊ុនថេន ប្រធានមន្ទីរសាធារណការខេត្តឧត្តរមានជ័យបាននៅឡើយទេ៕