កិច្ចប្រជុំពិភាក្សាជាមួយធនាគារពិភពលោកសម្រាប់គម្រោងកែលម្អការគ្រប់គ្រងសំណល់រឹង និងផ្លាស្ទិកទាំងក្នុងកម្រិតថ្នាក់ជាតិ និងថ្នាក់ក្រោមជាតិ ដើម្បីលើកកម្ពស់សុខុមាលភាពប្រជាពលរដ្ឋ ទីស្ដីការក្រសួង៖ ថ្ងៃពុធ ២រោច ខែកត្តិក ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៦ ខែតុលា ឆ្នាំ២០២២ ឯកឧត្តម រស់ វណ្ណា រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិភាក្សាជាមួយតំណាងធនាគារពិភពលោកសម្រាប់គម្រោងកែលម្អការគ្រប់គ្រងសំណល់រឹង និងផ្លាស្ទិកក្រោមហិរញ្ញប្បទានឥណទានសម្បទានរបស់ធនាគារពិភពលោក (World Bank) តាមប្រព័ន្ធវីដេអូពីចម្ងាយ។ កិច្ចប្រជុំនេះរៀបចំឡើងដើម្បីពិភាក្សាលម្អិតលើគម្រោងផែនការកែលម្អការគ្រប់គ្រងសំណល់រឹង និងផ្លាស្ទិក (Cambodia Solid Waste and Plastic Management Improvement Project) និងការបែងចែកភារកិច្ចការងារទាំងថ្នាក់ជាតិ និងថ្នាក់ក្រោមជាតិ ដើម្បីគ្រប់គ្រងលើការអនុវត្តគម្រោងឱ្យមានប្រសិទ្ធភាព បម្រើដល់សុខុមាលភាពរបស់ប្រជាពលរដ្ឋជារួម។ គួរកត់សម្គាល់ថា៖ គម្រោងកែលម្អការគ្រប់គ្រងសំណល់រឹង និងផ្លាស្ទិកនេះ គ្រោងនឹងចាប់ផ្ដើមចរចាគម្រោងនៅចុងខែមីនា ឆ្នាំ២០២៣ខាងមុខ ដោយផ្ដោតទាំងកម្រិតតំបន់ដែលបានជ្រើសរើស និងកម្រិតថ្នាក់ជាតិផងដែរ៕U