កិច្ចប្រជុំពិនិត្យ និងកែសម្រួលសេចក្តីព្រាងផែនការមេគ្រប់ជ្រុងជ្រោយស្តីពីការដឹកជញ្ជូនអន្តរមធ្យោបាយកម្ពុជាឆ្នាំ២០២២-២០៣០ ថ្ងៃចន្ទ ៩រោច ខែភទ្របទ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៩ ខែកញ្ញា ឆ្នាំ២០២២ នៅទីស្ដីការក្រសួង ឯកឧត្តម ឈៀង ពេជ្រ អគ្គនាយក នៃអគ្គនាយកដ្ឋានភស្តុភារកម្ម ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំក្រុមការងារអន្តរអគ្គនាយកដ្ឋាន និងមន្ត្រីជំនាញពាក់ព័ន្ធ ដើម្បីពិនិត្យ និងកែសម្រួលសេចក្តីព្រាងផែនការមេគ្រប់ជ្រុងជ្រោយស្តីពីការដឹកជញ្ជូនអន្តរមធ្យោបាយកម្ពុជា ឆ្នាំ២០២២-២០៣០ ដែលអគ្គនាយកដ្ឋានភស្តុភារកម្មទើបបានទទួលពីឧត្តមក្រុមប្រឹក្សាសេដ្ឋកិច្ចជាតិ(SNEC)។ ថ្លែងទៅកាន់អង្គប្រជុំនាឱកាសនោះ ឯកឧត្តមអគ្គនាយក បានស្នើឱ្យអង្គភាពពាក់ព័ន្ធទាំងអស់៖ (១) ពិនិត្យនូវការឆ្លើយតបរបស់ SNEC ថាស្របតាមគោលដៅរបស់ផែនការមេរបស់អង្គភាពឬទេ (២) អនុវត្ត តាមគោលការណ៍ទាំង៧ចំណុចរបស់ SNEC ក្នុងការជ្រើសរើសគម្រោងអាទិភាព និង (៣)ឆ្លើយតបជា លាយលក្ខណ៍អក្សរត្រឹមថ្ងៃទី២១ ខែកញ្ញា ឆ្នាំ២០២២ ដើម្បីឱ្យក្រុមការងាររបស់អគ្គនាយកដ្ឋានភស្តុភារ កម្មធ្វើការបូកសរុបទាន់ពេលវេលាជូនទៅ SNEC រៀបចំបន្តទៀត៕