លោកជំទាវកិត្តិសង្គហបណ្ឌិត ឧបនាយករដ្ឋមន្រ្តី ម៉ែន សំអន និង ឯកឧត្តមអគ្គបណ្ឌិតសភាចារ្យ ឧបនាយករដ្ឋមន្រ្តី អូន ព័ន្ធមុនីរ័ត្ន និងលោកជំទាវ ព្រមទាំងគណៈប្រតិភូពីស្ថាប័ននានា អញ្ជើញចូលរួមគោរពវិញាណក្ខន្ធសព មហាវីរិយាភិរ័ក្ខសិរី អគ្គមហាឧបាសកពុទ្ធសាសនូបត្ថម្ភក៍ ខេរ៉ូ ស៊ុនស្រេង (ឪពុកបង្កើត របស់ឯកឧត្តមទេសរដ្ឋមន្ដ្រី ស៊ុន ចាន់ថុល) នារសៀលថ្ងៃអង្គារ ទី២៣ ខែសីហា ឆ្នាំ២០២២ រួមមាន៖ ­- លោកជំទាវកិត្តិបណ្ឌិត រដ្ឋមន្ត្រីក្រសួងកិច្ចការនារី ­- ឯកឧត្តមបណ្ឌិត រដ្ឋមន្រ្តីក្រសួងទេសចរណ៍ ­- ឯកឧត្តមរដ្ឋមន្រ្តី ប្រតិភូអមនាយករដ្ឋមន្រ្តី និងជាអនុប្រធាន គ.ជ.គ.ម. ­- ឯកឧត្តមរដ្ឋមន្ត្រី ក្រសួងព័ត៌មាន - ឯកឧត្តមនាយឧត្តមសេនីយ៍ រដ្ឋលេខាធិការ ក្រសួងការពារជាតិ ­- ឯកឧត្តមអភិបាល នៃគណៈអភិបាលរាជធានីភ្នំពេញ - លោកជំទាវ អគ្គលេខាធិការរងទី១ កាកបាទក្រហមកម្ពុជា ­- មន្ទីរប្រឆាំងគ្រឿងញៀន នៃអគ្គស្នងការដ្ឋាននគរបាលជាតិ - តំណាងក្រសួងរៀបចំដែនដី នគរូបនីយកម្ម និងសំណង់ ­- ក្រុមហ៊ុន KTS-KAMTRANSHIP ­- ក្រុមហ៊ុន សាជីវកម្មស្ពានថ្នល់ចិន (CRBC) ­- ក្រុមហ៊ុន ហួវៃ ថេកណឡូជី (ខេមបូឌា) ­- ក្រុមហ៊ុន កំពតឡូជីស្ទីក អែនផត ឯក ­- ធនាគារកម្ពុជាសាធារណៈ CPB ­- ក្រុមការងារគណៈកម្មាធិការគណបក្ស ស្រុកកោះធំ ខេត្តកណ្តាល - មជ្ឈមណ្ឌលសារព័ត៌មាន ដើមអំពិល ក្នុងឱកាសប្រកបដោយសមានទុក្ខដ៏ក្រៀមក្រំនេះ ថ្នាក់ដឹកនាំ និង ប្រតិភូអមដំណើរ សូមចូលរួមរំលែកមរណទុក្ខ ជាមួយឯកឧត្តមទេសរដ្ឋមន្ត្រី និងលោកជំទាវ រួមទាំងក្រុមគ្រួសារទាំងមូល ដោយក្តីសោកសង្រេង ស្រណោះអាឡោះអាល័យ ស្ទើររកទីបំផុតគ្មាន ព្រោះថាមរណភាពរបស់មហាវីរិយាភិរ័ក្ខសិរី អគ្គមហាឧបាសកពុទ្ធសាសនូបត្ថម្ភក៍ ខេរ៉ូ ស៊ុនស្រេង គឺជាការបាត់បង់នូវ ឪពុកបង្កើត ឪពុកក្មេក ជីតា និងជីតាទួត ជាទីគោរពស្រឡាញ់ដ៏ជ្រាលជ្រៅបំផុត និងប្រកបដោយព្រហ្មវិហារធម៌ដ៏ថ្លៃថ្លា និងជាពិសេសសូមគោរពលំឱនកាយវាចាចិត្ត ឧទ្ទិសបួងសួងដល់ដួងវិញ្ញាណក្ខន្ធរបស់ មហាវីរិយាភិរ័ក្ខសិរី អគ្គមហាឧបាសកពុទ្ធសាសនូបត្ថម្ភក៍ ខេរ៉ូ ស៊ុនស្រេង សូមឱ្យបានយោនយកកំណើត ក្នុងសុគតិភពកុំបីឃ្លៀងឃ្លាតឡើយ៕