សារលិខិតចូលរួមរំលែកទុក្ខ របស់ក្រុមការងារ ស.ស.យ.ក. វិស័យសាធារណការ និងដឹកជញ្ជូន សូមគោរពជូន ឯកឧត្តមទេសរដ្ឋមន្ត្រី ស៊ុន ចាន់ថុល និងលោកជំទាវ ព្រមទាំងក្រុមគ្រួសារ ចំពោះមរណភាពរបស់ មហាវីរិយាភិរ័ត្ខសិរី អគ្គមហាឧបាសកពុទ្ធសាសនូបត្ថម្ភក៍ ខេរ៉ូ ស៊ុនស្រេង ក្នុងឱកាសប្រកបដោយសេចក្ដីខ្សឹកខ្សួលរំជួលចិត្តជាអនេកនេះ យើងខ្ញុំទាំងអស់គ្នាសូមសម្ដែងនូវសមានទុក្ខដ៏ជ្រាលជ្រៅ ព្រមទាំងសេចក្ដីសង្វេកដ៏ធំធេង និងពោរពេញដោយសេចក្ដីសោកស្ដាយស្រណោះអាឡោះអាល័យពន់ពេកចំពោះមរណភាពរបស់ មហាវីរិយាភិរ័ត្ខសិរី អគ្គមហាឧបាសកពុទ្ធសាសនូបត្ថម្ភក៍ ខេរ៉ូ ស៊ុនស្រេង ដែលជាការបាត់បង់នូវ បិតាបង្កើត បិតាក្មេក ជីតា ជីតាទួត ជាទីគោរពស្រលាញ់ប្រកបដោយព្រហ្មវិហារធម៌ និងជាម្លប់ដ៏ត្រជាក់នៃក្រុមគ្រួសារ។ នាវេលាប្រកបដោយសមានទុក្ខដ៏ក្រៀមក្រំនេះ យើងខ្ញុំទាំងអស់គ្នាជាសមាជិក សមាជិកា ក្រុមការងារ ស.ស.យ.ក. ក្នុងវិស័យ សូមឧទ្ទិសបួងសួងដល់ដួងវិញ្ញាណក្ខន្ធ មហាវីរិយាភិរ័ត្ខសិរី អគ្គមហាឧបាសកពុទ្ធសាសនូបត្ថម្ភក៍ ខេរ៉ូ ស៊ុនស្រេង សូមបានបដិសន្ធិក្នុងទីឋានសុគតិភពកុំបីឃ្លៀងឃ្លាតឡើយ៕