នៅកណ្ដាលឆ្នាំ ២០២២ នេះកម្ពុជាបាននឹងកំពុងការអភិវឌ្ឍន៍ការសាងសង់លើគម្រោងជាច្រើនដែលមានដូចជា ផ្លូវល្បឿនលឿនភ្នំពេញ-ព្រះសីហនុ ការស្ថាបនាផ្លូវជាតិលេខ៤ ផ្លូវក្រវាត់ក្រុងទី៣ កំពង់ផែខេត្ដកំពត ព្រលានយន្ដហោះខេត្ដសៀមរាប ព្រលានយន្ដហោះតេជោក្រុងតាខ្មៅ ស្ពានបេតុងអារមេខ្សែកាបឫស្សីកែវឆ្លងកាត់ទន្លេសាប និងគម្រោងជាច្រើនផ្សេងទៀត។ យ៉ាងណាក្រៅពីគម្រោងដែលកំពុងអភិវឌ្ឍន៍ខាងលើ រាជរដ្ឋាភិបាលក៏បានដាក់ចេញនូវគម្រោងថ្មីៗ ចំនួន ៧ ថ្មីបន្ថែមទៀតផងដែរដើម្បីសាងសង់ជាបន្ដបន្ទាប់ទៀតផងដែរ។ ជាក់ស្ដែង នៅក្នុងកិច្ចប្រជុំពិនិត្យវឌ្ឍនភាពលើការរៀបចំផែនការមេស្តីពីការតភ្ជាប់ប្រព័ន្ធដឹកជញ្ជូនពហុមធ្យោបាយ និងភស្តុភារកម្ម និងផែនការមេគ្រប់ជ្រុងជ្រោយស្ដីពីប្រព័ន្ធដឹកជញ្ជូនអន្តរមធ្យោបាយកម្ពុជាឆ្នាំ២០២២-២០៣០ កាលពីថ្ងៃទី ២១​ ខែ កក្កដា ឆ្នាំ ២០២២ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឱ្យដឹងថា បច្ចុប្បនក្រសួង កំពុងសហការជាមួយក្រុមហ៊ុនYCH សិក្សាលើគម្រោងទាំង ៧ ខាងលើដែលមានដូចជា ៖ ១. គម្រោងសិក្សាអភិវឌ្ឍន៍មជ្ឈមណ្ឌលភស្តុភារកម្មភ្នំពេញ ២. គម្រោងសិក្សាអភិវឌ្ឍន៍មជ្ឈមណ្ឌលភស្តុភារកម្មក្រុងព្រះសីហនុ ៣. គម្រោងសិក្សាអភិវឌ្ឍផ្លូវនាវាចរណ៍ទន្លេបាសាក់ ៤. គម្រោងសិក្សាធ្វើទំនើបកម្មផ្លូវរថភ្លើងល្បឿនលឿន ៥.គម្រោងសាងសង់ផ្លូវល្បឿនលឿនភ្នំពេញ-បាវិត ៦.​​ គម្រោងការកសាងផ្លូវកំពង់ធំ-កំពង់ឆ្នាំង ៧. គម្រោងការកសាងផ្លូវ បាត់ដំបង-សៀមរាប៕