[Rasmei Kampuchea Daily News] - រដ្ឋបាលខេត្តសៀមរាប ដាក់ឱសានវាទ ១៥ ថ្ងៃ ជាកំហិត ឱ្យរុះរើសំណង់ និងការ្យផ្សេងៗ នៅលើដីចំណីផ្លូវចំនួន ៨ខ្សែ ក្នុងក្រុងសៀមរាប
សៀមរាបៈ រដ្ឋបាលខេត្តសៀមរាប បានដាក់ឱសានវាទ ១៥ ថ្ងៃ ជាកំហិត ឱ្យរុះរើសំណង់ និងការ្យផ្សេងៗ នៅលើដីចំណីផ្លូវចំនួន ៨ខ្សែ ក្នុងក្រុងសៀមរាប ដែលនឹងចាប់ ផ្ដើមដំណើរការស្ថាបនា នាពេលដ៏ខ្លីខាងមុខ ហើយបានព្រមានថា នឹងចាត់វិធានការ ក្នុងករណីអ្នកពុំបានចូលរួមសហការរុះរើ តាមការកំណត់។
យោងតាមសេចក្តីជូនដំណឹង របស់សាលាខេត្តសៀមរាប ចុះថ្ងៃទី២៣ ខែមិថុនា កន្លងទៅនេះ ស្តីពីការរុះរើសំណង់ និងការ្យផ្សេងៗ នៅលើដីចំណីផ្លូវចំនួន ៨ ខ្សែ ក្នុងក្រុងសៀមរាប ខេត្តសៀមរាប បានឱ្យដឹងថាៈ ពាក់ព័ន្ធនឹងការស្ថាបនាផ្លូវចំនួន ៨ ខ្សែ ខាងលើ បងប្អូនត្រូវ ចូលរួមសហការរុះរើដោយខ្លួនឯង តាមជើងម៉ែត្រ នៃការចុះបញ្ជីដីមានលក្ខណៈជាប្រព័ន្ធ (LMAP) ឱ្យរួចរាល់ ក្នុងរយៈពេល ១៥ ថ្ងៃ ជាកំហិត ដោយគិតចាប់ពីថ្ងៃ ចេញសេចក្តី ជូនដំណឹងនេះ តទៅ។
ទន្ទឹមនឹងនេះ រដ្ឋបាលខេត្តសៀមរាប បានព្រមានថា ក្នុងករណីពុំបានចូលរួមសហការ រុះរើតាមការកំណត់ ដូចការជូនដំណឹង ខាងលើនេះទេ រដ្ឋបាលខេត្ត នឹងចាត់វិធានការរុះរើ តាមនីតិវិធីច្បាប់ ជាធរមាន ដោយមិនទទួលខុសត្រូវ ចំពោះរាល់ការខូចខាត និងបាត់បង់ទ្រព្យសម្បត្តិផ្សេងៗ របស់បងប្អូនប្រជាពលរដ្ឋឡើយ។
ព័ត៌មានលម្អិត សូមអានសេចក្តីជូនដំណឹង ដូចមានភ្ជាប់ មកជាមួយ នៅខាងក្រោម៖
