[Cambodia Post] - ជួបសំណេះសំណាលជាមួយប្រជាពលរដ្ឋប្រមាណ៦៥៧នាក់ នៅក្នុងភូមិត្របែកពក និងមណ្ឌល សកម្មភាព ឃុំកំពង់កុង ស្រុកកោះធំ ខេត្តកណ្តាល ក្នុងយុទ្ធនាការឃោសនាបោះឆ្នោតជ្រើសរើសក្រុម ប្រឹក្សាឃុំ អាណត្តិទី៥ ឆ្នាំ២០២២ ក្រោមអធិបតីភាពដ៏ខ្ពង់ខ្ពស់ឯកឧត្តមទេសរដ្ឋមន្ត្រី ស៊ុន ចាន់ថុល
2022-05-30
ទៅកាន់ទំព័រចុះផ្សាយក្នុង Cambodia Post
កោះធំ៖ ថ្ងៃអាទិត្យ ១៤រោច ខែពិសាខ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៩ ខែឧសភា ឆ្នាំ ២០២២ ឯកឧត្តមទេសរដ្ឋមន្ត្រី ស៊ុន ចាន់ថុល ប្រធានគណៈអចិន្ត្រៃយ៍ក្រុមការងារគណបក្សចុះមូលដ្ឋាន ស្រុកកោះធំ បានអញ្ជើញជួបសំណេះសំណាលជាមួយប្រជាពលរដ្ឋប្រមាណ៦០០នាក់នៅ ក្នុងភូមិ ត្របែកពក និងមណ្ឌលសកម្មភាព ឃុំកំពង់កុង ស្រុកកោះធំ ខេត្តកណ្តាល នៅក្នុងយុទ្ធនាការឃោសនា បោះឆ្នោតជ្រើសរើសក្រុមប្រឹក្សាឃុំ អាណត្តិទី៥ ឆ្នាំ២០២២ ដោយមានការចូលរួមពីឯកឧត្តម លោកជំទាវ អនុប្រធានក្រុមការងារគណបក្សចុះមូលដ្ឋានស្រុក ឯកឧត្តម លោកជំទាវ លោក លោកស្រី ប្រធានក្រុម ការងារគណបក្សចុះមូលដ្ឋានឃុំ លោក លោកស្រី ក្រុមការងារគណបក្សចុះមូលដ្ឋាន ស្រុក ឃុំ ភូមិ គណៈអចិន្ត្រៃយ៍គណបក្សស្រុក គណៈអចិន្ត្រៃយ៍គណបក្សឃុំកំពង់កុង សមាជិកគណបក្សប្រជាជន កម្ពុជាទូទាំងឃុំកំពង់កុងសរុបប្រមាណ៦៥៧នាក់។
ថ្លែងក្នុងមតិសំណេះសំណាលនាឱកាសនោះ ឯកឧត្តមទេសរដ្ឋមន្ត្រី បានគូសបញ្ជាក់ពីសារសំខាន់នៃ តួនាទីនិងភារកិច្ច របស់សមាជិកសមាជិកាបេក្ខភាពដែលបានឈរឈ្មោះបោះឆ្នោតដើម្បីបម្រើប្រជា ពលរដ្ឋនៅឃុំកំពង់កុងឱ្យអស់ពីកម្លាំងកាយកម្លាំងចិត្ត និងបានស្នើឱ្យបងប្អូនប្រជាពលរដ្ឋនៅឃុំនេះ ពិចារណាឱ្យបានច្បាស់លាស់នៅពេលគូសសន្លឹកឆ្នោត ដោយចោទសួរខ្លួនឯងថាតើគួរបោះឆ្នោតឱ្យ គណបក្សណា? តើគណបក្សណាដែលនាំមកនូវសុខសន្តិភាពជូនប្រទេសជាតិមាតុភូមិរបស់យើង តើគណបក្សណាដែលកសាងមន្ទីរពេទ្យតេជោសែនកោះធំឱ្យយើង និងអាចឆ្លើយថា៖ អ្នកកសាង មន្ទីពេទ្យតេជោសែនកោះធំគឺគណបក្សប្រជាជនកម្ពុជា។
ឯកឧត្តមទេសរដ្ឋមន្ត្រី បានសង្កត់ធ្ងន់ធ្ងរថា ក្រុមការងារគណបក្សប្រជាជននៅឃុំកំពង់កុង ស្រុកកោះធំ ខេត្តកណ្ដាល គឺជាអ្នកបម្រើរាស្ត្រ តាមអនុសាសន៍ណែនាំដ៏ខ្ពង់ខ្ពស់របស់សម្ដេចអគ្គមហាសេនាបតី តេជោ ហ៊ុន សែន ប្រធានគណបក្សប្រជាជនកម្ពុជាឱ្យខំបម្រើរាស្ត្រ ផ្ដល់សេវាសាធារណៈ សេវាចាំបាច់ ធ្វើឱ្យបានលឿន ធ្វើឱ្យមានប្រសិទ្ធភាព និងធ្វើឱ្យមានតម្លាភាព។
ឆ្លៀតក្នុងឱកាសនោះដែរ ឯកឧត្តមទេសរដ្ឋមន្ត្រី បានជម្រាបជូនអំពីគោលបំណងរបស់វិទ្យាស្ថានតេជោ សែន សាធារណការ និងដឹកជញ្ជូន ដើម្បីបណ្ដុះបណ្ដាលនិស្សិតជំនាន់ក្រោយឱ្យមានសមត្ថភាពក្នុងការ កសាងផ្លូវ ស្ពានឱ្យមានគុណភាពរឹងមាំ ជីដូនជីតាយើងកសាងអង្គរវត្ត និងប្រាសាទច្រើនកន្លែងមាន អាយុកាលរាប់ពាន់ឆ្នាំ ដូច្នេះកូនខ្មែរជំនាន់ក្រោយពិតជាអាចកសាងផ្លូវ ស្ពាន និងហេដ្ឋារចនាសម្ព័ន្ធ ផ្សេងៗទៀតដោយខ្លួនឯងបាន ដោយមិនពឹងបរទេស និងបានសំដែងមោទនភាពផងដែរ ដែលមាន និស្សិតចំនួនពីររូបនៅឃុំកំពង់កុងបានទទួលអាហារូបករណ៍ចំនួន១០០%ដោយមិនចាំបាច់បង់ថ្លៃសិក្សា កំពុងសិក្សានៅក្នុងវិទ្យាស្ថានតេជោសែន សាធារណការ និងដឹកជញ្ជូន
ឯកឧត្តមទេសរដ្ឋមន្ត្រី ក៏បានផ្តាំផ្ញើផងដែរសុំឱ្យបងប្អូនប្រជាពលរដ្ឋក្នុងឃុំនេះអញ្ជើញទៅបោះឆ្នោតជ្រើស រើសក្រុមប្រឹក្សាឃុំសង្កាត់អាណត្តិទី៥ ឆ្នាំ២០២២ ដែលនឹងប្រព្រឹត្តទៅនៅថ្ងៃទី៥ ខែមិថុនា ឆ្នាំ ២០២២ ឱ្យ បានគ្រប់ៗគ្នា ចាប់ផ្ដើមពីម៉ោង៧.០០នាទីព្រឹក រហូតដល់ម៉ោង១៥.០០នាទីរសៀល និងបោះឆ្នោតជូន គណបក្សប្រជាជនកម្ពុជាឃុំកំពង់កុង ឋិតក្នុងលំដាប់លេខរៀងទី៤ មានរូបទេវតាបាច់ផ្កាជាសម្គាល់ឋិត ក្នុងចំណោមគណបក្សចូលរួមការបោះឆ្នោតចំនួន៥ ដោយភ្ជាប់មកជាមួយនូវឯកសារបញ្ជាក់អត្ត សញ្ញាណបណ្ណ អត្តសញ្ញាណបណ្ណសញ្ជាតិខ្មែរដែលមានសុពលភាព ឯកសារបញ្ជាក់អត្តសញ្ញាណ បម្រើឱ្យការបោះឆ្នោត ពិនិត្យមើលឈ្មោះ និងទិន្នន័យឱ្យបានច្បាស់លាស់ផងដែរ។
គួរកត់សម្គាល់ផងដែរថា៖ សមិទ្ធផលហេដ្ឋារចនាសម្ព័ន្ធដឹកជញ្ជូនតភ្ជាប់សម្រេចបានក្នុងឃុំកំពង់កុង រួមមាន៖ ផ្លូវបេតុង១កន្លែងប្រវែង៦.០០០ម៉ែត្រនៅភូមិល្វាទោង ស្ដារព្រែក២ព្រែកប្រវែង៤.៥០០ម៉ែត្រ នៅភូមិជ្រុងរមាស និងភូមិព្រែកហង់ ធ្វើទ្វារទឹកបានចំនួន២ព្រែកនៅភូមិជ្រុងរមាស និងភូមិព្រែកហង់ ធ្វើស្ពាន បេឡេត៍២កន្លែងប្រវែង៣២ម៉ែត្រនៅភូមិត្របែកពក ធ្វើស្ពានបេតុង៦កន្លែងប្រវែង៧៦ម៉ែត្រ នៅភូមិជ្រុង រមាស១កន្លែង នៅភូមិព្រែកផ្អាវ៣កន្លែង នៅភូមិក្បាលដំរីក្រោម១កន្លែង ដាឡូ១កន្លែង ប្រវែង៨ម៉ែត្រ នៅភូមិក្បាលដំរីក្រោម និងអំពូលសូឡាចំនួន៣០៦អំពូល៕
