លោកប្រធាននាយកដ្ឋាននាវាជំនួញសមុទ្រ សួន វ៉ាន់ស ដឹកនាំកិច្ចប្រជុំស្តីពីការពិភាក្សាលើនីតិវិធីបង់កម្រៃសេវាសាធារណៈចំពោះការស្នើសុំលិខិតអនុញ្ញាតឱ្យនាវាចូលតាមកំពង់ផែនៃព្រះរាជាណាចក្រកម្ពុជាក្នុងប្រព័ន្ធផ្លាស់ប្តូរទិន្នន័យអេឡិចត្រូនិកកំពង់ផែ (Port EDI) ថ្ងៃសុក្រ ៥រោច ខែពិសាខ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី២០ ខែឧសភា ឆ្នាំ២០២២ នៅទីស្ដីការក្រសួង លោក សួន វ៉ាន់ស ប្រធាននាយកដ្ឋាននាវាជំនួញសមុទ្រ បានអញ្ជើញដឹកនាំកិច្ចប្រជុំស្តីពីការពិភាក្សាលើនីតិវិធីបង់កម្រៃសេវាសាធារណៈចំពោះការស្នើសុំលិខិតអនុញ្ញាតឱ្យនាវាចូលតាមកំពង់ផែនៃព្រះរាជាណាចក្រកម្ពុជាក្នុងប្រព័ន្ធផ្លាស់ប្តូរទិន្នន័យអេឡិចត្រូនិកកំពង់ផែ (Port EDI) ដោយមានការអញ្ជើញចូលរួមពីតំណាងនាយកដ្ឋានព័ត៌មានវិទ្យា និងទំនាក់ទំនងសាធារណៈ តំណាងក្រសួងសុខាភិបាល តំណាងធនាគារអេស៊ីលីដា តំណាងធនាគារ ABA និងមន្ត្រីជំនាញពាក់ព័ន្ធក្រោមឱវាទក្រសួង។ ជាលទ្ធផលនៃកិច្ចប្រជុំ អង្គប្រជុំបានសម្រេចរៀបចំអនុស្សារណៈយោគយល់រវាងក្រសួងសាធារណការ និងដឹកជញ្ជូន និងធនាគារដៃគូរ សម្រាប់ការបង់កម្រៃសេវាសាធារណៈក្នុងប្រព័ន្ធផ្លាស់ប្តូរទិន្នន័យអេឡិចត្រូនិកកំពង់ផែ(port EDI)៕