គ្រឿងឥស្សរិយយសចំនួន២៨គ្រឿង ត្រូវបានបំពាក់ជូនមន្ត្រីរាជការក្រសួងសាធារណការ និងដឹកជញ្ជូន មានស្នាដៃល្អក្នុងការងារ ដោយឯកឧត្តមអគ្គបណ្ឌិត សភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ តំណាងដ៏ខ្ពង់ខ្ពស់សម្តេចតេជោនាយករដ្ឋមន្ត្រី និងឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ថ្ងៃសុក្រ ១១រោច ខែបុស្ស ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៨ ខែមករា ឆ្នាំ២០២២ នៅទីស្ដីការក្រសួង បន្ទាប់ពីអញ្ជើញថ្លែងសន្ទរកថាបិទបញ្ចប់សន្និបាតបូកសរុបលទ្ធផលការងារប្រចាំឆ្នាំ២០២១ និង លើកទិសដៅការងារឆ្នាំ២០២២ ឯកឧត្តមអគ្គបណ្ឌិត សភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ តំណាងដ៏ខ្ពង់ខ្ពស់សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនបានអញ្ជើញបំពាក់គ្រឿងឥស្សរិយយសជូនមន្ត្រីរាជការមានស្នាដៃល្អក្នុងការងារ។ គ្រឿងឥស្សរិយយសដែលត្រូវប្រគល់ជូនមន្ត្រីរាជការក្រសួងមានស្នាដៃល្អក្នុងការងាររួមមានទាំងអស់ ចំនួន២៨គ្រឿង ដែលក្នុងនោះរួមមាន៖ មេដាយព្រះរាជា ថ្នាក់មហាសេរីវឌ្ឍន៍ចំនួន៤គ្រឿង មេដាយ សុវត្ថារាថ្នាក់មហាសេរីវឌ្ឍន៍ចំនួន៥គ្រឿង មេដាយមុនីសារាភ័ណ្ឌថ្នាក់មហាសេរីវឌ្ឍន៍ចំនួន២គ្រឿង មេដាយសុវត្ថារាថ្នាក់មហាសេនាចំនួន ៣ គ្រឿង និងមេដាយសុវត្ថារាថ្នាក់ធិបឌិន្ទចំនួន១៤គ្រឿង៕