ឯកឧត្តមរដ្ឋលេខាធិការ សួន រចនា និងជាអនុប្រធានប្រចាំការ នៃគណៈកម្មការដឹកនាំកំណែទម្រង់វិមជ្ឈការ និងវិសហមជ្ឈការរបស់ក្រសួង បានដឹកនាំកិច្ចប្រជុំ ពិនិត្យវឌ្ឍនភាពការងារ៩ខែ និងដាក់ទិសដៅផែនការបន្តសម្រាប់ត្រីមាសទី៤ ឆ្នាំ ២០២១ ថ្ងៃពុធ ១៤កើត ខែអស្សុជ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងនៅថ្ងៃទី២០ ខែ តុលា ឆ្នាំ ២០២១ នៅទីស្តីការក្រសួង ឯកឧត្តម សួន រចនា រដ្ឋលេខាធិការ និងជាអនុប្រធានប្រចាំការគណៈកម្មការ តំណាងដ៏ខ្ពង់ខ្ពស់ ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ចូន និងជាប្រធានគណៈកម្មការដឹកនាំកំណែទម្រង់វិមជ្ឈការ និងវិសហមជ្ឈការរបស់ក្រសួង បានដឹកនាំកិច្ចប្រជុំគណៈកម្មការ ដោយមានការចូលរួមសមាជិក សមាជិកាគណៈកម្មការ និងគ្រប់អគ្គនាយកដ្ឋានជំនាញក្រសួង។ អង្គប្រជុំបានពិនិត្យវឌ្ឍនភាពការងារ៩ខែ ឆ្នាំ២០២១ នៃការអនុវត្តកំណែទម្រង់វិមជ្ឈការ និងវិសហមជ្ឈការក្នុងវិស័យសាធារណការ និងដឹកជញ្ចូន និងដោះស្រាយបញ្ហាប្រឈមការអនុវត្តមុខងារដែលបានផ្ទេរ និងធ្វើប្រតិភូកម្មទៅអង្គភាពច្រកចេញចូលតែមួយរាជធានី-ខេត្ត និងការិយាល័យច្រកចេញចូលតែមួយក្រុង ស្រុក ខណ្ឌ ព្រមទាំងដាក់ចេញទិសដៅផែនការការងារបន្ត សម្រាប់ត្រីមាសទី៤ ឆ្នាំ២០២១៕