ក្នុងរយៈពេល៥ថ្ងៃនេះ រដ្ឋបាលរាជធានីភ្នំពេញ បានអ៊ុតគំនូសចរាចរណ៍លើដងផ្លូវ ចំនួន៣ខ្សែនៅក្នុងរាជធានីបានរួចរាល់ហើយ ដើម្បីលើកកម្ពស់សោភណភាពឱ្យកាន់តែ មានភាពស្រស់បំព្រង ដើម្បីជួយសម្រួល និងកាត់បន្ថយគ្រោះថ្នាក់ចរាចរណ៍នៅក្នុងរាជធានី ភ្នំពេញផងដែរ។ មន្ដ្រីជំនាញ រដ្ឋបាលរាជធានីភ្នំពេញ បានឱ្យដឹងនៅថ្ងៃនេះថា ដោយអនុវត្តន៍ទៅ តាមការណែនាំរបស់ ឯកឧត្តម ឃួង ស្រេង អភិបាលរាជធានីភ្នំពេញ បានណែនាំឱ្យ មន្ទីរសាធារណការ និងដឹកជញ្ជូនរាជធានីភ្នំពេញ ធ្វើសកម្មភាពអ៊ុតគំនូសចរាចរណ៍លើដងផ្លូវ ចំនួន៣ខ្សែ ដោយចាប់ផ្តើមអនុវត្តន៍កាលពីថ្ងៃទី១៤ រហូតដល់ថ្ងៃទី១៨ ខែតុលា ឆ្នាំ២០២១ រួមមាន៖ ១-រុក្ខវិថី ក្រមួនស ចាប់ពីមហាវិថី ព្រះនរោត្តម ដល់មហាវិថី ព្រះមុនីវង្ស ។ ២-ផ្លូវលេខ ១៥៤ ចាប់ពីមហាវិថី ព្រះមុនីវង្ស ដល់តិរិវិថី ព្រះស៊ីសុវត្ថិ។ ៣-មហាវិថី នេរុហ៍ ចាប់ពីមហាវិថី សហព័ន្ឋរុស្ស៊ី ដល់មហាវិថី ព្រះមុនីរ៉េត៕