ក្នុងគោលបំណង ដើម្បីបង្ខិតសេវាទៅជិតប្រជាពលរដ្ឋ បង្កភាពងាយស្រួល ចំណេញពេលវេលា និងកាត់បន្ថយការចំណាយរបស់ប្រជាពលរដ្ឋ ក្នុងការទទួលសេវាសាធារណៈ ប្រកបដោយប្រសិទ្ធភាព និង តម្លាភាព ក្រសួងសាធារណការ និងដឹកជញ្ជូន មានកិត្តិយស សូមជម្រាបជូនសាធារណជនទាំងអស់ ឱ្យបាន ជ្រាបថា៖ ក្រសួងបានសម្រេចដាក់ឱ្យដំណើរការជាផ្លូវការនូវ “មណ្ឌលផ្តល់សេវាសាធារណៈ”ទី៤ មានទីតាំងស្ថិតនៅជាន់ទី០២ នៃផ្សារទំនើប ហេរីថេក វ៉ក ដែលមានអាសយដ្ឋានអាគារលេខ ១៥៨ ផ្លូវជាតិលេខ៦ ភូមិមណ្ឌល២ សង្កាត់ស្វាយដង្គំ ក្រុងសៀមរាប ខេត្តសៀមរាប ចាប់ពីថ្ងៃទី២១ ខែកក្កដា ឆ្នាំ២០២១ នេះតទៅ បំរើសេវាចាប់ពីម៉ោង៨ព្រឹកដល់ម៉ោង៨យប់ ៧ថ្ងៃក្នុងមួយសប្តាហ៍។បញ្ជាក់៖ មណ្ឌលផ្តល់សេវាសាធារណៈនៅផ្សារទំនើប ហេរីថេក វ៉ក អនុវត្តការឈប់សម្រាកតាមអនុក្រឹត្យរបស់រដ្ឋាភិបាល។ ប្រភេទសេវាសាធារណៈដឹកជញ្ជូនផ្លូវគោក ដែលត្រូវផ្តល់រួមមាន៖ -ប្តូរបណ្ណបើកបរ -ចុះបញ្ជីរថយន្ត -ដាក់ពាក្យសុំត្រួតពិនិត្យលក្ខណៈបច្ចេកទេសយានជំនិះ(ឆៀក)