សម្តេចតេជោ នាយករដ្ឋមន្ត្រី និង សម្តេចកត្តិព្រឹទ្ធបណ្ឌិត បានអញ្ជើញទទួលចាក់វ៉ាក់សាំង Astra Zeneca ដូសទី២ នៅថ្ងៃទី ២០ ខែមេសា ឆ្នាំ២០២១ មុនចេញទៅប្រជុំកំពូលអាស៊ាននៅឥណ្ឌូនេស៊ី នាពេលខាងមុខនេះ ដើម្បីអាចចេញទៅប្រជុំកំពូលអាស៊ាននៅឥណ្ឌូនេស៊ី នាថ្ងៃទី ២៤ ខែមេសា ឆ្នាំ២០២១ ខាងមុខ សម្តេចតេជោ នាយករដ្ឋមន្ត្រី បានចាក់វ៉ាក់សាំងដូសទី២ នៅព្រឹកថ្ងៃទី ២០ មេសា ២០២១។ ការចាក់វ៉ាកសាំងនេះមិនបានធ្វេីឡេីងនៅមន្ទីរពេទ្យឡេីយ គឺធ្វេីឡេីងនៅគេហដ្ឋាន សម្តេចតេជោផ្ទាល់តែម្តង។ សូមជម្រាបជូនថា សម្តេចតេជោ នាយករដ្ឋមន្ត្រី និង សម្តេចកត្តិព្រឹទ្ធបណ្ឌិត ទទួលវ៉ាក់សាំង Astra Zeneca រីឯបុត្រីពៅរបស់សម្តេចតេជោ ទទួលដូសទី២នៃវ៉ាក់សាំង Sinovac របស់មិត្តចិន។