::: ការចុះសហការជាមួយកម្លាំងសមត្ថកិច្ចចម្រុះ រឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យយានយន្តកែច្នៃខុសលក្ខណៈបច្ចេកទេស ដើម្បីជៀសវាងការបង្កឱ្យមានគ្រោះថ្នាក់ និងកកស្ទះចរាចរណ៍ពេលធ្វើដំណើរលើផ្លូវសាធារណៈ នៅថ្ងៃព្រហស្បតិ៍ ៦កេីត ខែ ផល្គុន ឆ្នាំជូត ទោស័ក ព.ស ២៥៦៤ ត្រូវនឹង ថ្ងៃទី ០៤ ខែ មីនា ឆ្នាំ២០២១ មន្ទីសាធារណការនិងដឹកជញ្ជូន ខេត្តសៀមរាប បានសហការជាមួយសមត្ថកិច្ចចម្រុះគ្រប់ផ្នែកពាក់ព័ន្ធ ចុះរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យយានយន្តកែច្នៃខុសលក្ខណៈបច្ចេកទេស នៅតាមបណ្តោយផ្លូវជាតិលេខ៦ នៅ ឃុំក្រឡាញ់ ស្រុកក្រឡាញ់ ខេត្តសៀមរាប ដោយទទួលបានលទ្ធផលដូចខាងក្រោម៖ - បានត្រួតពិនិត្យយានយន្តសរុបចំនួន ១៤៨ គ្រឿង យានយន្តត្រឹមត្រូវចំនួន ១៣៧ គ្រឿង យានយន្តខុសលក្ខណៈបច្ចេកទេសចំនួន ១១ គ្រឿងមាន៖ - បានដោះភ្លេីងបំពាក់រថយន្តខុសលក្ខណៈបច្ចេកទេសចំនួន ០៥ គ្រឿង - បានបកស្កុតខ្មៅបិតកញ្ចក់រថយន្តចំនួន ០៣ គ្រឿង - បានដោះរានក្រោយរថយន្ត ចំនួន ០១ គ្រឿង - បានពិន័យអ្នកបេីកបររថយន្តមិនពាក់ខ្សែក្រវ៉ាត់សុវត្ថិភាពចំនួន ០១ នាក់ - ត្រួតពិនិត្យរកសារធាតុញៀនសរុប ចំនួន ៣៥នាក់ មានសារធាតុញៀនក្នុងខ្លួនចំនួន ០៥នាក់ (អ្នកបេីកបររថយន្តចំនួន០១ នាក់ និងអ្នករួមដំណេីរចំនួន ០៤នាក់)។ បានចែកសៀវភៅច្បាប់ចរាចរណ៍ផ្លូវគោក និងខិតបណ្ណអប់រំផ្សព្វផ្សាយ ជូនដល់អ្នកបើកបរ ដើម្បីបានសិក្សាស្វែងយល់កាន់តែច្បាស់ ជៀសវាងការបង្កគ្រោះថ្នាក់ ការកកស្ទះចរាចរណ៍ និងកត្តាហាន័យផ្សេងៗទៀតពេលធ្វើដំណើរលើដងផ្លូវសាធារណៈ។ ::: ដើម្បីយល់ដឹងពីផ្លាកសញ្ញាចរាចរណ៍បន្ថែម ឬទ្រឹស្តីនៃការបើកបរ សូមទាញយកកម្មវិធី Cambodia Driving Rules ដោយឥតគិតថ្លៃ៖ - App Store (iOS): https://dr.mpwt.gov.kh/ios - Play Store (Android): https://dr.mpwt.gov.kh/android