មន្ទីរសាធារណការ ខេត្តព្រះវិហារ បាននិងកំពុងជួលជុល នឹងថែទាំកំណាត់ផ្លូវជាតិលេខ៩ជិត៧គីឡូម៉ែត្រ ស្ថិតនៅក្នុងភូមិសាស្ដ្រខេត្តព្រះវិហារដែលទទួលរងការខូចខាត។ ការជួសជុលផ្លូវឡើងវិញនេះ ដើម្បីសម្រួលដល់បងប្អូនប្រជាពលរដ្ឋក្នុងការធ្វើដំណើរបានងាយស្រួល ពិសេសការដឹកជញ្ជូន​កសិផលផ្សេងៗ។ លោកសំ លាងទ្រី ប្រធានមន្ទីរសាធារណការនិងដឹកជញ្ជូនខេត្តព្រះវិហារបានឲ្យដឹងថា អនុវត្តតាមការណែនាំរបស់លោក​ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូននិង មន្ទីរសាធារណការនិងដឹកជញ្ជូនខេត្ត នៅថ្ងៃទី២២ ខែកុម្ភៈ ឆ្នាំ២០២១នេះ បានធ្វើសកម្មភាពអនុវត្តការងារថែទាំប្រចាំ លើកំណាត់ផ្លូវជាតិលេខ៩ (ព្រំប្រទល់ខេត្តព្រះវិហារ និងខេត្តស្ទឹងត្រែង រហូតដល់ ក្រុងព្រះវិហារ) ដែលមានប្រវែង៦៩.៨២គីឡូម៉ែត្រដើម្បីសម្រួល​ដល់បងប្អូនប្រជាពលរដ្ឋបានធ្វើដំណើរងាយស្រួល៕