(ភ្នំពេញ)៖ ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានឲ្យដឹងថា ក្រសួងបានទិញគ្រឿងចក្រចំនួន២២២គ្រឿង សម្រាប់ផ្តល់ជូនមន្ទីរសាធារណការ និងដឹកជញ្ជូនរាជធានី-ខេត្ត និងអគ្គនាយកដ្ឋានប្រព័ន្ធចម្រោះទឹកកខ្វក់ ដើម្បីប្រើប្រាស់​ បម្រើជាប្រយោជន៍សង្គមជាតិ​ ក្នុងវិស័យហេដ្ឋារចនាសម្ព័ន្ធ​ផ្លូវថ្នល់នៅកម្ពុជា។ ជាមួយគ្នានេះ នាយកដ្ឋានជំនាញ​ និងមន្ទីរ២៥​ រាជធានីខេត្ត​ បានមកទទួលការបណ្តុះបណ្តាល​ និងយកគ្រឿងចក្រ​ សម្រាប់ស្ថាបនាផ្លូវទៅតាមអង្គភាព​រៀងៗខ្លួនរួចរាល់ហើយ៕