នៅរសៀល ថ្ងៃព្រហស្បតិ៍ ១០កើត ខែបុស្ស ឆ្នាំជូត ទោស័ក ឆ្នាំ២៥៦៤ ត្រូវនឹងថ្ងៃទី២៤ ខែធ្នូ ឆ្នាំ២០២០ លោក ព្រំ វន្ថា ប្រធាននាយកដ្ឋានសុវត្ថិភាពចរាចរណ៍ផ្លូវគោក និងជាប្រធានផ្នែកអប់រំផ្សព្វផ្សាយ និងបណ្តុះបណ្តាល នៃអគ្គលេខាធិការដ្ឋាន គ.ស.ច.គ. បានដឹកនាំក្រុមការងារជំរុញអនុវត្តផែនការសកម្មភាពសុវត្ថិភាពចរាចរណ៍ផ្លូវនៅរសៀល ថ្ងៃព្រហស្បតិ៍ ១០កើត ខែបុស្ស ឆ្នាំជូត ទោស័ក ឆ្នាំ២៥៦៤ ត្រូវនឹងថ្ងៃទី២៤ ខែធ្នូ ឆ្នាំ២០២០ លោក ព្រំ វន្ថា ប្រធាននាយកដ្ឋានសុវត្ថិភាពចរាចរណ៍ផ្លូវគោក និងជាប្រធានផ្នែកអប់រំផ្សព្វផ្សាយ និងបណ្តុះបណ្តាល នៃអគ្គលេខាធិការដ្ឋាន គ.ស.ច.គ. បានដឹកនាំក្រុមការងារជំរុញអនុវត្តផែនការសកម្មភាពសុវត្ថិភាពចរាចរណ៍ផ្លូវគោក និង លោក សំ លាងទ្រី ប្រធានមន្ទីរសាធារណការ និងដឹកជញ្ជូនខេត្តព្រះវិហារ និងជាប្រធានលេខាធិការដ្ឋាននៃអនុគណៈកម្មការសុវត្ថិភាពចរាចរណ៍ផ្លូវគោកខេត្តព្រះវិហារ និងតំណាងឱ្យរដ្ឋបាលសាលាខេត្តព្រះវិហារ រួមទាំងបណ្តាមន្ទីរ អង្គភាពជុំវិញខេត្តដែលពាក់ព័ន្ធ ប្រជុំត្រួតពិនិត្យ និងវាយតម្លៃការអនុវត្តផែនការសកម្មភាពការងារសុវត្ថិភាពចរាចរណ៍ផ្លូវគោក ឆ្នាំ២០២០ នៅសាលប្រជុំធំរបស់មន្ទីរសាធារណការ និងដឹកជញ្ជូនខេត្តព្រះវិហារ។ មន្ទីរ អង្គភាពដែលបានអញ្ជើញចូលរួមក្នុងអង្គប្រជុំ រួមមាន មេបញ្ជាការរងនៃកងរាជអាវុធហត្ថខេត្តព្រះវិហារ តំណាងស្នងការនៃស្នងការដ្ឋាននគរបាលខេត្តព្រះវិហារ មន្ទីរអប់រំ យុវជន និងកីឡា មន្ទីរសុខាភិបាល មន្ទីរអភិវឌ្ឍន៍ជនបទ មន្ទីរព័ត៌មាន មន្ទីរការងារ និងបណ្តុះបណ្តាលវិជ្ជាជីវៈ និងតំណាងសាលាខេត្តព្រះវិហារ សរុបចំនួន ១៧នាក់។