::: " ទឹក ជាសត្រូវនឹង ផ្លូវ " ប្រសាសន៍របស់ ឯឧ.ទេសរដ្ឋមន្ត្រី ស៊ុន ចាន់ថុល ទិដ្ឋភាពការចុះពិនិត្យផលប៉ះពាល់ហេដ្ឋារចនាសម័ន្ធផ្លូវថ្នល់ដោយជំនន់ទឹកភ្លៀង កាលពីថ្ងៃទី១៦ ខែតុលា ឆ្នាំ២០២០ នៅតាមបណ្តាផ្លូវជាតិលេខ២ លេខ៣ លេខ២២ ផ្លូវលេខ៤១ និងផ្លូវជាតិលេខ៤ ដែលដឹកនាំផ្ទាល់ដោយឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន និងមានចូលរួមសហការពីតំណាងក្រុមហ៊ុនសាងសង់ អាជ្ញាធរមានសមត្ថកិច្ច និងបណ្ដាអង្គភាពពាក់ព័ន្ធផ្សេងៗទៀត។ បច្ចុប្បន្ននេះ ស្ថានភាពជំនន់ទឹកភ្លៀងបានធូរស្រាលជាងមុន ហើយក្រសួងសាធារណការ និងដឹកជញ្ជូន មន្ទីរសាធារណការ និងដឹកជញ្ជូនតាមបណ្តាខេត្ត បានសហការជាមួយអង្គភាព និងស្ថាប័នពាក់ព័ន្ធ បាន និងកំពុងចុះពិនិត្យស្ថានភាព និងវាយតម្លៃផលប៉ះពាល់ផ្លូវថ្នល់ ដែលរងគ្រោះពីជំនន់ទឹកភ្លៀងរួមមាន ដើម្បីចាត់វិធានការដោះស្រាយបន្ទាន់ ការធ្វើការស្ដារ ជួសជុល និងសម្រួលការធ្វើដំណើររបស់បងប្អូនប្រជាពលរដ្ឋ និងការដឹកជ ញ្ជូនទំនិញគ្រប់ប្រភេទ ក៏ដូចជា បង្ការហានិភ័យ ដែលអាចកើតមានដោយជំនន់ទឹកភ្លៀងបង្ករដោយបម្រែបម្រួលអាកាសធាតុ នៅពេលអនាគតខាងមុខ។