[168 News] - រន្ធត់!!! តូយ៉ូតាវីហ្គោស្លាកលេខរដ្ឋបើកលឿនផ្ទុះកង់ធ្លាក់ប្រឡាយ បណ្តាលឱ្យ...
2020-09-02
ទៅកាន់ទំព័រចុះផ្សាយក្នុង 168 News
មនុស្សស្រីប្រុស ៦នាក់ បានរងរបួសធ្ងន់ និងស្រាលបន្ទាប់ពីរថយន្តពាក់ស្លាកលេខរដ្ឋបានក្រឡាប់ធ្លាក់ចូលប្រឡាយដោយសារផ្ទុះកង់ពេលកំពុងតែបើកបរ។ ហេតុការណ៍នេះបានកើតឡើងកាលពីវេលាម៉ោង៤និង៤៥នាទីល្ងាច ថ្ងៃទី២ ខែកញ្ញា ឆ្នាំ២០២០ នៅឃុំតាំងក្រសាំង ស្រុកទឹកផុស ខេត្តកំពង់ឆ្នាំង។
សមត្ថកិច្ចបានឱ្យដឹងថា នៅមុពេលកើតហេតុ មានរថយន្តមួយគ្រឿងពាក់ស្លាកលេខរដ្ឋ ធ្វើដំណើរលើផ្លូវក្រាលគ្រួសក្រហម ក្នុងទិសដៅពីខេត្តកំពង់ឆ្នាំង ទៅខេត្តពោធិសាត់។ នៅលើរថយន្តមានមនុស្ស៦នាក់ទាំងស្រីទាំងប្រុសពេលកំពុងធ្វើដំណើររថយន្តវីហ្គោនេះបើកក្នុងល្បឿនលឿន។នៅពេលមដល់ចំណុចកើតហេតុក៏ស្រាប់តែផ្ទុះកង់បណ្តាលឱ្យក្រឡាប់ធ្លាក់ចូលទៅក្នុងប្រឡាយតែម្តង។
ភ្លាមៗនោះប្រជាពលរដ្ឋដែលនៅក្បែរកន្លែងកើតហេតុ បានចុះទៅជួយអន្តរាគមន៍ គាស់ទ្វារដើម្បីយកជនរងគ្រោះចេញពីក្នុងរថយន្តនិងបានហៅរថយន្តសង្គ្រោះដឹកយកជនរងគ្រោះមកសង្គ្រោះនៅមន្ទីរពេទ្យខេត្តកំពង់ឆ្នាំង។
ក្រោយពេលកើតហេតុសមត្ថកិច្ចបានយករថយន្តស្ទូច មកស្ទួចយករថយន្តដែលក្រឡាប់នេះ ទៅរក្សាទុកនៅអធិការដ្ឋានស្រុកទឹកផុស៕
