[Kampuchea Thmey] - ខណៈមេឃកំពុងភ្លៀងខ្លាំងនាល្ងាចនេះ អាជ្ញាធរខណ្ឌទួលគោក និងសង្កាត់ ចុះកាយសំរាមចេញពីមាត់លូ
2020-09-01
ទៅកាន់ទំព័រចុះផ្សាយក្នុង Kampuchea Thmey
ភ្នំពេញ ៖ ភ្លៀងធ្លាក់មួយមេធំ លាយឡំខ្យល់បក់បោកផងនោះ បណ្ដាលឲ្យផ្លូវមួយចំនួនក្នុងរាជធានីភ្នំពេញ ពិសេសមូលដ្ឋានខណ្ឌទួលគោក ទទួលរងការលិចលង់ដោយជំនន់ទឹកភ្លៀង នាល្ងាច ថ្ងៃទី០១ ខែកញ្ញា ឆ្នាំ២០២០នេះ។
ជាមួយគ្នានេះ គេបានឃើញកម្លាំងសណ្ដាប់ធ្នាប់ខណ្ឌទួលគោក អាជ្ញាធរសង្កាត់ តាមការណែនាំពីលោក ឯក ឃុនឌឿន អភិបាលខណ្ឌទួលគោក ខណៈមេឃកំពុងភ្លៀងខ្លាំង បានចុះកាយសំរាមចេញពីមាត់លូ ដើម្បីកុំឲ្យស្ទះផ្លូវទឹកហូរក្នុងមូលដ្ឋាន។ ក្នុងនោះ ដើម្បីឲ្យទឹកហូរបានលឿន ជម្លៀសនៃការកកស្ទះចរាចរណ៍ផងដែរ។
ជាក់ស្ដែងនៅពេលនេះ កម្លាំងសណ្ដាប់ធ្នាប់ខណ្ឌទួលគោក អាជ្ញាធរសង្កាត់ បាននិងកំពុងធ្វើសកម្មភាពកាយ និងរើសសំរាមចេញពីមាត់លូ នៅលើបណ្ដោយផ្លូវម៉ៅសេទុង និងផ្លូវ២៣០ ក្នុងសង្កាត់ផ្សារដើមគរ បឹងសាឡាង និងសង្កាត់ទឹកល្អក់ទី៣ ខណ្ឌទួលគោក។
ក្នុងនាមអាជ្ញាធរមូលដ្ឋាន អភិបាលខណ្ឌទួលគោក លោក ឯក ឃុនដឿន តែងបានបញ្ជាឲ្យកម្លាំងក្រោមឱវាទទាំងអស់យកចិត្តទុកដាក់ ចុះកាយ កើប និងរើសសំរាមចេញពីមាត់លូ ពេលមានភ្លៀងម្តងៗ។ លោក តែងសំណូមពរដល់ប្រជាពលរដ្ឋទាំងអស់ សូមជួយវេចខ្ចប់សំរាមឲ្យបានត្រឹមត្រូវ ដោយសារតែពេលភ្លៀងធ្លាក់ ឃើញមានសំរាមអណ្តែតពេញផ្ទៃទឹក និងហូរចូលមាត់លូ បង្កឲ្យចរន្តទឹកហូរមិនរួច បណ្ដាលឲ្យលិចលង់៕
