ខេត្តកំពង់ឆ្នាំង៖ នៅព្រឹកថ្ងៃចន្ទ ១៥រោច ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២០ ខែកក្កដា ឆ្នាំ២០២០នេះ មន្ទីរសាធារណការ និងដឹកជញ្ជូន ខេត្តកំពង់ឆ្នាំង បានរៀបចំកិច្ចប្រជុំថ្នាក់ដឹកនាំមន្ទីរ និងប្រធានការិយាល័យជំនាញទាំង ៩ របស់មន្ទីរ ប្រចាំសប្ដាហ៍ ក្រោមអធិបតីភាព លោក ឆាយ លាភា ប្រធានមន្ទីរសាធារណការ និងដឹកជញ្ជូនខេត្តកំពង់ឆ្នាំង។ ខ្លឹមសារនៃកិច្ចប្រជុំរួមមាន៖ ១. ត្រួតពិនិត្យការងារអនុវត្តប្រចាំសប្ដាហ៍។ ២. ផ្សព្វផ្សាយផែនការរបស់ក្រសួងសាធារណការ និងដឹកជញ្ជូន និងរដ្ឋបាលខេត្តកំពង់ឆ្នាំង។ ៣. ពិភាក្សាបញ្ហាប្រឈម និងការងារចាំបាច់មួយចំនួន។ កម្មវិធីប្រជុំនេះ ធ្វើឡើងនៅសាលប្រជុំមន្ទីរសាធារណការ និងដឹកជញ្ជូន ខេត្តកំពង់ឆ្នាំង ដោយមានការអញ្ជើញចូលរួមពី អនុប្រធានមន្ទីរ លោក លោកស្រីប្រធាន អនុប្រធានការិយាល័យចំណុះមន្ទីរទាំង៩ និងមន្រ្តីជំនាញរបស់មន្ទីរចូលរួមផងដែរ ៕