នៅថ្ងៃចន្ទ ៣រោច ខែជេស្ឋ ឆ្នាំជូត ទោស័ក ពុទ្ធសករាជ២៥៦៤ ត្រូវនឹងថ្ងៃទី០៨ ខែមិថុនា ឆ្នាំ២០២០ វេលាម៉ោង ៨:០០នាទីព្រឹក លោក សុខុម វីរផល អគ្គនាយករង និងជាតំណាងឯកឧត្តមអគ្គនាយក នៃអគ្គនាយកដ្ឋានដឹកជញ្ជូនផ្លូវគោក បានអមដំណើរឯកឧត្ដម ពៅ ម៉ាលី រដ្ឋលេខាធិការ នៃក្រសួងសាធារណការ និងដឹកជញ្ជូន អញ្ជើញទៅបើកវគ្គបណ្ដុះបណ្ដាលបង្រៀនបើកបររថយន្តធុនធ្ងន់ នៅអគ្គនាយកដ្ឋានដឹកជញ្ជូនផ្លូវគោក។ នៅថ្ងៃចន្ទ ៣រោច ខែជេស្ឋ ឆ្នាំជូត ទោស័ក ពុទ្ធសករាជ២៥៦៤ ត្រូវនឹងថ្ងៃទី០៨ ខែមិថុនា ឆ្នាំ២០២០ វេលាម៉ោង ៨:០០នាទីព្រឹក លោក សុខុម វីរផល អគ្គនាយករង និងជាតំណាងឯកឧត្តមអគ្គនាយក នៃអគ្គនាយកដ្ឋានដឹកជញ្ជូនផ្លូវគោក បានអមដំណើរឯកឧត្ដម ពៅ ម៉ាលី រដ្ឋលេខាធិការ នៃក្រសួងសាធារណការ និងដឹកជញ្ជូន អញ្ជើញទៅបើកវគ្គបណ្ដុះបណ្ដាលបង្រៀនបើកបររថយន្តធុនធ្ងន់ នៅអគ្គនាយកដ្ឋានដឹកជញ្ជូនផ្លូវគោកដល់សិក្ខាកាមដែលមកពីបណ្តាក្រុមហ៊ុនដឹកជញ្ជូននានា។ កម្មវិធីនេះក៏មានការចូលរួមពីសំណាក់លោកអគ្គនាយករង លោកស្រីប្រធាននាយកដ្ឋាន លោកអនុប្រធាននាយកដ្ឋាន លោកប្រធានការិយាល័យ និងមន្ត្រីជំនាញផងដែរ។ ទន្ទឹមនឹងនេះ ឯកឧត្ដម ក៏បានណែនាំដល់សិក្ខាកាមទាំង បន្តរក្សាគម្លាត ពាក់ម៉ាសការពារ និងអនុវត្តតាមការណែនាំរបស់ក្រសួងសុខាភិបាល ដើម្បីចូលរួមជាមួយរាជរដ្ឋាភិបាលក្នុងការទប់ស្កាត់ការរីករាលដាលនូវជំងឺរលាកផ្លូវដង្ហើមថ្មី Covid-19។