ភ្នំពេញ៖ ម្សិលមិញថ្ងៃទី២៤ ខែកុម្ភៈ ឆ្នាំ២០២០ វេលាម៉ោង០៩:០០នាទីព្រឹក ​នៅ​សាលប្រជុំទីស្ដីកា​រ​ក្រសួងសាធារណការ និងដឹកជញ្ជូន មានបើកកិច្ចពិភាក្សាស្ដីពីការពង្រឹងប្រសិទ្ធភាព នៃការអនុញ្ញាតឲ្យនាវាចូលផែ នៃព្រះរាជាណាចក្រកម្ពុជា ក្រោមអធិបតីភាព ឯកឧត្ដម ម៉ក់ ស៊ីដេត អគ្គនាយក នៃអគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ និងមានការចូលរួមពីលោក លោកស្រីអគ្គនាយករង លោកប្រធាននាយកដ្ឋាន លោកប្រធានការិយាល័យពាក់ព័ន្ធ ព្រមទាំងតំណាងមកពីកំពង់ផែស្វយ័តក្រុងព្រះសីហនុ កំពង់ផែស្វយ័តភ្នំពេញ និងផែឯកជនទូទាំងប្រទេស។ កិច្ចពិភាក្សាបានផ្ដោតលើបីចំណុចសំខាន់ៗ រួមមាន: ការពង្រឹងប្រសិទ្ធភាព នៃការអនុញ្ញាតឲ្យនាវាចូលផែ, វិធានការចំពោះការរីករាលដាលជំងឺ COVID19 និងស្ថិតិទំនិញ និងនាវាចូលតាមកំពង់ផែ ៕