បន្ទាយមានជ័យ ៖ គ្រោះថ្នាក់ចរាចរណ៍លើផ្លូវដែក រវាងរថភ្លើង បុកជាមួយ គ្រឿងចក្រឈូសដី (សាស៊ើរ) របស់ក្រុមហ៊ុនធ្វើផ្លូវជាតិលេខ៥ (ហាយវេ) បណ្តាលឲ្យអ្នកបើកគ្រឿងចក្រឈូសដី (សាសើ)ម្នាក់ បានរងបួសធ្ងន់ នៅវេលាម៉ោង៧និង៥៥នាទីព្រឹក ថ្ងៃទី១៦ ខែកុម្ភៈ ឆ្នាំ២០២០ នៅមុខរោង ម៉ាស៊ីនកិនស្រូវឥណ្ឌា ស្ថិតក្នុងភូមិបាណយ សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ ។ ប្រភពព័ត៌មានពីមន្រ្តីនគរបាលបានឲ្យដឹងថា នៅមុនពេលកើតហេតុ រថភ្លើងបានធ្វើដំណើរ ក្នុងទិសដៅពីលិចទៅកើត ពេលមកដល់ចំណុចកើតហេតុ មានគ្រឿងចក្រឈូសដី(សាសាស៊ើរ) បានបើកឆ្លងកាត់ផ្លូវរថយន្តភ្លើង បណ្តាលឲ្យរថភ្លើងបុករថយន្តក្រឡាប់ គ្រឿងចក្រឈូសដី សង្កត់អ្នកបើក បរគ្រឿងចក្ររងរបួសធ្ងន់ ឈ្មោះ រឿង វាសនា ភេប្រុសអាយុ៣២ឆ្នាំ នៅភូមិកំពង់ថ្ម ឃុំកំពង់ថ្ម ស្រុកកំពង់ធំ ខេត្តកំពង់ធំ ត្រូវបានបញ្ជូនទៅ សង្រ្គោះនៅមន្ទីរពេទ្យបង្អែកមិត្តភាពកម្ពុជា ជប៉ុន នៅស្រុកមង្គលបូរី ។ ចំណែកគ្រឿងចក្រឈូសដីនិងរថភ្លើងរងនូវការខូចខាតធ្ងន់ទាំង២គ្រឿង ។ ប្រភពដដែលបានបញ្ជាក់ថា នៅក្នុងហេតុការណ៍បណ្តាលឲ្យថ្នាក់ចរាចរណ៍នេះ គឺបង្កឡើងដោយ គ្រឿងចក្រឈូសដី(សាស៊ើរ) បើកបំពានរំលោភសិទ្ធិអាទិភាពរបស់រថភ្លើង។ ករណីនេះ ភាគីតំណាងក្រុមហ៊ុនទាំងសងខាង បានសម្របសម្រួលដោះស្រាយគ្នានៅកន្លែងកើតហេតុ ដើម្បីបញ្ចប់រឿង៕