(ភ្នំពេញ)៖ នៅព្រឹកថ្ងៃទី២៧ ខែធ្នូ ឆ្នាំ២០១៧ ក្រុមការងារក្រសួងសាធារណការ និងដឹកជញ្ជូន រដ្ឋបាលរាជធានីភ្នំពេញ អគ្គនាយកដ្ឋានដឹកជញ្ជូនផ្លូវទឹក និងមន្ទីរសាធារណការ និងដឹកជញ្ជូនរាជធានីភ្នំពេញ បានចុះពិនិត្យកំណត់ទីតាំងស្ថាបនាផែ និងស្ថានីយ៍អ្នកដំណើរ សម្រាប់សេវាដឹកជញ្ជូនផ្លូវទឹកតាមដងទន្លេ ចាប់ពីស្ពានព្រែកព្នៅដល់ក្រុងតាខ្មៅ។ គម្រោងនឹងសាងសង់ស្ថានីយ៍ និងផែសម្រាប់ដឹកអ្នកដំណើរក្នុងជំហ៊ានដំបូងនេះ មានចំនួន៦ទីតាំង ក្នុងចំណោម១១ទីតាំង ដែលមាននៅក្នុងគម្រោង ដូចជាទីតាំងក្រោមស្ពានព្រែកព្នៅ, សួនច្បារឫស្សីកែវ, កំពង់ផែភ្នំពេញ, អតីតកប៉ាលណាហ្កា ខាងជើងដអរិយក្សត្រ, ភូមិដើមច័ន្ទច្បារអំពៅ និងទីតាំងក្រុងតាខ្មៅ៕