កិច្ចប្រជុំពិភាក្សាអំពីកិច្ចការយេនឌ័រ និងបម្រែបម្រួលអាកាសធាតុ ដើម្បីប្រមូលធាតុចូល និងអាចរៀបចំជាផែនការក្នុងការរួមចំណែកឆ្លើយតប ទប់ស្កាត់ នឹងការប្រែប្រួលអាកាសធាតុ ភ្នំពេញ៖ នាថ្ងៃទី ១២ ខែមិថុនា ឆ្នាំ ២០២៥ លោកជំទាវ មឹន មាណវី រដ្ឋលេខាធិការ ក្រសួងសាធារណការ និងដឹកជញ្ជូន ជួបប្រជុំជាមួយ លោកស្រី ហ្វាតទីម៉ា វើហ្សូសា ទីប្រឹក្សាយេនឌ័រ និងបម្រែបម្រួលអកាសធាតុ នៃធនាគារ អភិវឌ្ឍអាស៊ី (ADB) ពិភាក្សាអំពីកិច្ចការងារយេនឌ័រ និងបម្រែបម្រួលអាកាសធាតុ ដោយមានការចូលរួមពីលោក លោកស្រី ដែលអញ្ជើញមកពីអគ្គនាយកដ្ឋានផែនការ គោលនយោបាយ អគ្គនាយកដ្ឋានរដ្ឋបាល អគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ។ ជំនួបពិក្សានេះធ្វើឡើងក្នុងគោលបំណងដើម្បីពិភាក្សាស្វែងរកធាតុចូល ព្រមទាំងកំណត់សូចនករយេនឌ័រ សម្រាប់ការរៀបចំផែនការជាតិ ក្នុងការចូលរួមចំណែកឆ្លើយតប ទប់ស្កាត់ទៅនឹងការប្រែប្រួលអាកាសធាតុ របស់ក្រសួងសាធារណការ និងដឹកជញ្ជូន រហូតដល់ឆ្នាំ2030។