[Business Cambodia] - សេវាកាណូតសាធារណៈ នឹងដំណើរការនៅមុនបុណ្យចូលឆ្នាំខ្មែរ
2018-01-05
ទៅកាន់ទំព័រចុះផ្សាយក្នុង Business Cambodia
ក្រសួងសាធារណការ និងដឹកជញ្ជូនបាននិងកំពុងរៀបចំកំពង់ផែចំណតកាណូត ដឹកអ្នកដំណើរ១៥ទីតាំងចេញពីតំបន់ព្រែកព្នៅ ទៅកាន់តាខ្មៅ ដែលនឹងគ្រោងដាក់ដំណើរការសេវាកាណូតសាកល្បង មុនចូលឆ្នាំប្រពៃណីជាតិខ្មែរខាងមុខនៅខែមេសា ពោលគឺខែ មេសាឆ្នាំ២០១៨ ។
សេវាកាណូតដឹកអ្នកដំណើរសាធារណៈ នឹងភ្ជាប់ការធ្វើដំណើរតាមផ្លូវទឹកពីភាគខាងជើងទៅភាគខាងត្បូងនៃរាជធានីភ្នំពេញ ចាប់ផ្តើមពីសង្កាត់ព្រែកព្នៅ ទៅក្រុងតាខ្មៅ។
ចំណតកំពង់ផែទាំង១៥ទីតាំង ចេញពីតំបន់ព្រែកព្នៅ ទៅក្រុងតាខ្មៅ រួមមាន ទី១ គល់ស្ពានព្រែកព្នៅត្រើយខាងកើត (កំពុងពិចារណា) ទី២ គីឡូម៉ែត្រលេខ៦ ទី៣ ខាងមុខឃ្លាំងសាំងឬស្សីកែវ ជាប់នឹងទីលានប្រជាធិបតេយ្យថ្មី ទី៤ ផែបណ្ដែតមុខផ្សាររាត្រី, ទី៥ កំពង់ចម្លងកោះពេជ្រ-អារីយ៍ក្សត្រ ទី៦ ភូមិដើមចាន់ ឬគល់ស្ពានក្បាលថ្នល់ខាងកើត ទី៧ ចំណតរថយន្តចាក់អង្រែក្រោម។
ទី៨ បាក់ខែងត្រង់ផ្លូវបំបែក លីយ៉ុងផាត់ ទី៩ ទល់មុខផ្សារព្រែកលៀប (កំពង់ចម្លងព្រែកលៀប) ទី១០ ជាប់សណ្ឋាគារសុខាភ្នំពេញ ទី ១១ ភូមិកោះនរា ទី១២ កំពង់ចម្លងក្តីតាកុយ ទី១៣ កំពង់ចម្លងតាព្រហ្មមាត់ក្រសះ ដោយឡែកចំនួន២ទីតាំង ផ្សេងទៀតស្ថិតនៅខេត្តកណ្តាល គឺទី១ នៅមុខវត្តព្រែកសំរោងក្រុងតាខ្មៅ (កំពុងពិចារណា) និងទី២ ស្ថិតនៅកំពង់ចម្លងរោងចក្រក្តាបន្ទះផ្លូវត្រី។
