ថ្ងៃទី២១ ខែសីហា ឆ្នាំ២០១៩ ក្រុមការងារបច្ចេកទេសរបស់នាយកដ្ឋានពត៌មានវិទ្យា និងទំនាក់ទំនងសាធារណៈ នៃក្រសួងសាធារណការ និងដឹកជញ្ជូន បានមកបើក វគ្គបណ្តុះបណ្តាលអំពីកម្មវិធី Road Care ដល់ថ្នាក់ដឹកនាំមន្ទីរ មន្ត្រីរាជការ មន្ត្រីជាប់កិច្ចសន្យាមន្ទីរ ដែលជា គ្រូបង្គោល ក្រោមអធិបតីភាពលោកគី វីរិន្ទ ប្រធានមន្ទីរសាធារណការ និងដឹកជញ្ជូនខេត្តសៀមរាប ។ គោលបំណងនៃវគ្គបណ្តុះបណ្តាលនេះ គឺដើម្បីផ្សព្វផ្សាយបន្តដល់បងប្អូនប្រជាពលរដ្ឋទូទាំង១២ស្រុក ក្នុងខេត្តសៀមរាប ស្វែងយល់ពីការបើប្រាស់ និងប្រើប្រាស់អោយមានប្រសិទ្ធភាព និងបន្តផ្សព្វផ្សាយដល់អ្នកប្រើប្រាស់ទូទៅ ដើម្បីលើកកម្ពស់ភាពជាប់បានយូររបស់ផ្លូវផ្នល់នៅកម្ពុជា។ អ្នកប្រើប្រាស់កម្មវិធីទាំងឡាយអាចរាយការណ៍ពីស្ថានភាពផ្លូវថ្នល់ដល់មន្ត្រីជំនាញដោយវិធីងាយស្រួលបំផុត ដោយគ្រាន់តែចូលទៅកាន់ កម្មវិធី Road Care ក្នុងទូរស័ព្ទឆ្លាតវៃ ហើយធ្វើការថត ឬរើសរូបភាពជាមួយនឹងខ្លឹមសារបន្ថែម រួចចុចបញ្ជូនជាការស្រេច ។ កម្មវិធីនេះអនុញ្ញាតអោយអ្នកប្រើប្រាស់អាចចែករំលែក ច្រោះរបាយការណ៍ដោយងាយស្រួល ឆ្លើយឆ្លងមតិយោបល់ជាមួយមន្ត្រីជំនាញ អាចមើលរបាយការណ៍ក្នុងផែនទីអេឡិចត្រូនិច ហើយរឹតតែពិសេសជាងនេះនោះគឺទទួលដំណឹងពីស្ថានភាពរបាយការណ៍របស់ខ្លួន។ លោកអ្នកអាចទាញយកកម្មវិធីនេះដោយចូលទៅកាន់ App Store ឬ Play Store ហើយវាយពាក្យបញ្ជាស្វែងរក Road Care ឬចូលតាមដំណ roadcare.mpwt.gov.kh/ios សម្រាប់ប្រព័ន្ធប្រតិបត្តិការ roadcare.mpwt.gov.kh/android សម្រាប់ប្រព័ន្ធប្រតិបត្តិការ Android ។